出尖沙咀見客, 趁時間尚早, 同同事搵左間快靚正既粉麵餐廳食個lunch。 餐廳面積不大, 環境整潔企理。 每個座位既檯面都放著一張MENU, 客人以marker於menu上click好落order, 很環保! 粉麵大部分為HK$55一碗, 更可追加加料, 粉麵套餐仲跟熱飲。 我就揀左【自家雲吞王】HK$55, 自選了河粉, 亦可因應個人喜好添加配料, 再加HK$15追加了牛丸 【自家雲吞王】既雲吞份量不少, 足足有5粒雲吞! 雲吞皮薄而且很滑, 內裡塞滿大量豬肉同埋原隻蝦肉, 入口鮮甜, 隻蝦都幾爽ga! 至於追加既牛丸就只有兩粒, 牛丸幾彈牙, 咬開亦見丸中很juicy 湯底清甜, 不會過份濃郁, 河粉幼滑, 很快索湯, 加上了大量既蔥, 更加惹味香口。 既然雲吞如此真材實料, 我地亦叫左兩款小食 【生炸雲吞王】HK$60 雲吞炸後, 表面亦不會過於油膩, 皮脆, 內裡keep到肉汁而不會乾, 油溫掌握得唔錯 【鮮炸魚皮】HK$28 魚皮超香脆, 就算落湯浸幾秒, 入口還是卜卜脆 粉麵價錢雖有點偏貴, 還好餐廳全日沒加一服務費。 ************************************************ 餐廳名稱：潮丸 Address: 尖沙咀金馬倫道21C號地舖 Tel.: 25119238 營業時間： 星期一至日: 11:00 - 23:00 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 合作/邀請：keresa820@hotmail.com ************************************************
