生日月, 總是有籍口周圍食兼同朋友gathering。 今晚來到近西環碼頭既法國餐廳Bistro Du Vin, 地點不算很近港鐵站, 需步行約10分鐘, 餐廳附近亦沒有什麼大型廣場, 但總吸引唔少外國人前去幫襯, 有如置身外國一樣。 餐廳內佈置都偏向歐美風, 聽聞餐廳為滿足食客既新鮮感, menu都會不定時更新, 所以就算密密去, 都有機會食到不同款式呢~ 很喜歡食法國菜都是一樣一樣上檯, 不用食得太沖忙, 可以同朋友慢慢食, 慢慢傾就是最佳享受。 法國菜配酒才是最好配搭, 這裡提供不少酒精飲品, 而不好酒既我, 都有幾款外國入口既有汽果汁, 亦能滿足到我。 侍應先送上麵包做前菜, 可以免費無限添加 頭盤為一冷盤, 最喜歡當中既鴨絲, 帶鹹香, 大廚介紹鴨絲已預先被浸過鵝油, 但出奇地入口不會覺得油膩~ 經高溫炸過, 原隻蝦連蝦頭都可以直接食用, 這款絕對是功夫菜, 假設油溫控制不好, 蝦身除了油淋淋, 蝦殼還會出現渣滓。驚喜地整隻蝦入口, 不會過份油膩, 反而很香口很脆, 重點在於蝦頭中的蝦膏, 甘甜可口, 令我食唔停口。 龍蝦意粉: 以龍蝦本身既油份煮成既龍蝦, 味道更加鮮甜, 特別兩件龍蝦肉, 鮮甜彈牙!! 龍蝦雖然加了不少配料, 但無COVER到本身既鮮甜味, 肉質同樣是鮮甜彈牙, 還有少量甘甜蝦膏 另一款更是手功菜式! 平時食魚, 魚鱗都會被去除, 但呢度既魚鱗被炸過後, 竟然可以食埋落肚! 魚質本身已經很滑, 面層既魚鱗一片片做得很有層次, 入口脆脆的, 不過要注意快食, 否則沾到d汁會林而變硬 Roasted Farm Chicken: 平時食法國菜, 每款都細細碟, 而今次既法國菜果然很豐富! 每款份量都很大! 烤雞更是原隻上, 很喜歡個汁, 杰杰地, 味道似忌廉, 甜甜地, 烤雞除了雞胸少部份位置外, 肉質非常嫩滑!! 伴碟有細細粒既青豆, 夾集一齊食, 又多了一份口感。 另外更有薯蓉伴上, 甜甜的, 質感軟棉~ 最後送上甜品, 原來朋友們特意為我跟餐廳預訂了一款甜品, 碟上更寫了Happy Birthday, 很有驚喜! 梳乎厘散發淡淡蛋香, 入口即溶, 還帶有香醇既酒味 第一次食法國菜係可以食得飽, 大大份, 每款都很有驚喜, 很出色, 環境跟服務同樣好, 更適合三五知已聚會。 ************************************************ 餐廳名稱：Bistro Du Vin Address: 西環堅尼地城爹核士街1號地下D號舖 Tel.: 28243010 營業時間： 星期一至日: 12:00 - 14:00; 18:00 - 22:00 設加一服務費 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 查詢/合作：keresa820@hotmail.com ************************************************
