個人很喜歡食放題, 勝在一個價錢享受多款美食, 唔洗就住就住個荷包咁肉赤, 一定夠飽! 但放題亦唔係間間質素高, 平時去開果幾間雖然唔錯, 但總成為了家常便飯既放題式飯堂。今日係我既正日生日, 最後決定揀左The Sky Bar食Semi-buffet。 餐廳內燈光偏昏暗柔和, 很有一種浪漫舒服氣氛。 餐廳中心位設自助吧, 分別有冷盤前菜、沙律、甜品等...而另一邊放置了餐湯、麵包。 點擊圖片放大 入座後第一時間揀main course, 價錢HK$198起, 同樣都可以無限享用自助吧美食~ 價錢亦包括了前菜, 生蠔/海膽青瓜/和牛刺身/原隻凍蟹 (每人任選一款) 每款都很吸引呢.... 野食未上檯時, 把握時間先到自助吧自取美食。 所有美食都排列得很整齊, 而且長期有店員注意每款食物的去貨量, 務求令整個自助吧美食都re-fill得滿滿 每款沙律款式都已準先調味, 想不到連簡單沙律都做得很用心 套餐既冷盤很快上檯 朋友選了: 美國珍珠蠔 (6隻): 生蠔SIZE都幾大隻, 蠔味很重, 而且清潔度很高, 每隻都食唔到有蠔殼碎 而我就揀左 原隻凍啡蟹: size有手掌般大隻, 餐廳有附上工具方便客人食用 基本上不用點任何汁醬, 已經非常鮮甜~ 肉質札實, 唔會係死蟹 點擊圖片放大 我還飲了是日餐湯--蕃茄忌廉湯 杰杰地, 唔會過酸, 甜甜地 Main course: 【海陸拼盤-大西洋龍蝦牛柳】HK$338 半隻龍蝦+一掌心大的牛柳, order了五成熟的牛柳, 表面煎得焦香, 內裡滲出血水, 肉質嫩紅, 龍蝦肉質爽口彈牙, 鮮甜沒有未醬汁覆蓋, 有少許甘甜蟹羔連帶, 超正!!! 【烤肉拼盤-安格斯西冷、羊扒、豬肉腸】HK$298 安格斯西冷牛扒同樣order了五成熟, 肉質嫩滑, 肉味重。羊扒不會過重羊羶味, 肉質比牛扒為實肉。 豬肉腸味濃。 最後當然再到自助吧拎甜品作完美句號啦~ 呢度既甜品會不定時推出不同款式, 當中只選了部份試試~ 焦糖燉蛋: 表面薄脆既焦糖, 可輕輕敲碎, 燉蛋很滑, 蛋味很出 就連中式既凍豆腐花都有~ 無論係main course, 什至任食既沙律、甜品, 味道都是平均的好, 令人回味無窮! 絕對會encorn~! ************************************************ 餐廳名稱:The Sky Bar Address: 銅鑼灣波斯富街99號利舞臺廣場8樓8A舖 Tel.: 24099866 營業時間: 星期一至日: 12:00 - 23:30 設加一服務費 ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong Weibo: http://weibo.com/keresawong ************************************************ 查詢/合作:keresa820@hotmail.com ************************************************