想一個價錢唔洗就住就住, 又可以坐低慢慢食, 同事就帶我到附近工廈既餐廳食火鍋放題~ 餐廳超近地鐵站出口, 行三步上一層就到, 好方便! 餐廳環境開揚, 幾闊落, 仲有少量卡位。 另一邊為自助區: 丸類、蔬菜類、麵食、飲品、雪糕等...分門別類排列好, 至於肉類就要向店員落order。 點擊圖片放大 放題價錢以牛既種類定價, 由HK$208起 我地就揀左 美國頂級牛小排 套餐, 加埋一, 三百蚊左右, 除左牛小排, 仲包埋豚肉、雞肉任食 每人可自選一款湯底, 而我地二人就揀左豚骨+蕃茄湯底 湯底味道偏淡, 還好清清地~ 另外加湯既湯底為上湯, 估計不是味精湯 (因打邊爐其間唔會狂飲野解渴) 去骨雞肉, 注意不可烚太耐, 免得影響雞肉既嫩滑 豚肉為薄切 當然要食主打既 牛小排 啦!!! 牛小排, 色澤鮮紅, 唔似豚肉咁薄切, 牛脂分佈平均, 入口鮮嫩 第二round 既牛小排, 質地能卷成一卷卷, 表面有些少雪氣, 但無損味道同口感 第三round 既牛小排, 質素比開頭既稍為差左少少, 牛脂相比肉既比例高, 沒有了平均既牛脂紋理, 而且厚度比之前薄了一點點 自助丸類: 最出色係海膽丸同芝士丸, 內裡果然是流心的!!! 最後以雪糕做結尾, 但雪糕幾乎見底, 要食就要出一點力刮了~ 180分鐘任飲任食, 雖然火鍋食物款式唔多, 但可以慢慢食, 環境舒適, 同三五之己邊食邊聊, 都唔錯既~~ ************************************************ 餐廳名稱：相馬日式火鍋 Address: 荔枝角長義街10號昌隆工業大廈1樓B-C舖 Tel.: 21114569 營業時間： 星期一至日: 12:00 - 23:30 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog BeautyExchange: http://www.beautyexchange.com.hk/blog/keresawong.l.s She.com: https://blog.she.com/keresawongls/ ESDlife: http://wow.esdlife.com/keresawong ************************************************ 合作/邀請：keresa820@hotmail.com ************************************************
