蔡瀾Pho係香港開業已經有一段時間, 今日咁岩係中環開完會, 順道同同事去蔡瀾Pho潮聖, 當我地到達餐廳門口, 正正係放工時段, 店內已經座無虛席, 門外已經出現人龍, 人龍總算清得快, 很快就被安排入座。 店內原來分兩層, 上層設有一間VIP房同埋卡位, 而下層設數張長檯(大機會出現搭檯情況), 而另一邊係半開放式魔房, 可以望到店員製作湯河既過程。 點擊圖片放大 雖然係中環地段, 但價錢絕對冇因為地段而set得太高, 一碗自選雙併既河粉, 都係HK$68, 仲可以無限添加河粉, 絕對係令人食得飽肚, 價錢又經濟實惠! 第一次幫襯, 當然款款都想試, 於是今次豪一點, 就選了一款樣樣齊既【特別牛肉湯河粉】HK$128 包括有生牛肉、金錢腱、牛腩、牛筋、貝殼牛肉丸、銅錢牛鞭花、牛栢葉, 超豐富! 對於相機食先既朋友, 都希望尋找最佳角度去影一張食物照片作留念/分享, 特別係影湯河時, 時間總會令河粉索湯至發脹, 但出奇地呢度既湯河短時間內唔會出現呢個情況。河粉幼滑, 原來是店方每日新鮮以白米磨成米漿而製成, 所以對比其他店, 確實有點不同。 湯底清甜, 生牛肉上檯時其實都幾乎熟了, 建議上檯先食, 肉味不算太濃, 很鮮嫩, 牛筋牛腩炆得很林, 牛栢葉切得幼細, 牛丸鮮甜彈牙, 整體絕對是有誠意既一碗湯河! 點擊圖片放大 【越式炸春卷】HK$48 口感札實, 炸得很脆, 內裡有蘿蔔絲、粉絲同埋雲耳絲, 層次豐富 【黃金蝦扒】HK$78 表面炸得金黃鬆脆, 略帶鮮甜, 但不算彈牙 【香芒凌波魚米紙卷】HK$48 米紙卷包得札實, 入口一咬, 清甜芒果汁在口中濺出, 夾住沙律菜同埋肉碎, 整體味道很fresh~ 【越南多色冰】HK$28 色彩繽紗, 有蒟蒻同埋不同豆類, 加左椰奶, 冰慢慢溶化, 透心涼, 就算D冰溶哂, 味道都唔會過淡 個人推介必食一定係呢度既湯河, 呢個價錢除了免費無限量添加河粉, 食得飽肚, 服務亦很招呼周到, 有機會一定再來! ************************************************餐廳名稱：蔡瀾越南粉Address: 中環威靈頓街15-25號UG樓Tel.: 23259117營業時間：星期一至日: 10:00 - 22:00 不設加一服務費接受預先訂座: Yes************************************************【FOLLOW ME】Instagram: https://www.instagram.com/keresawong.l.s/Facebook: https://www.facebook.com/keresawong/Blogspot: https://keresawongls.blogspot.hk/Ublog: http://blog.ulifestyle.com.hk/blogger/keresawong/Pixnet: http://keresa.pixnet.net/blogBeautyExchange: http://www.beautyexchange.com.hk/blog/keresawong.l.sShe.com: https://blog.she.com/keresawongls/ESDlife: http://wow.esdlife.com/keresawong************************************************合作/邀請：keresa820@hotmail.com************************************************
