放假同朋友去左APM shopping, 入夜想搵間餐廳食dinner, 但幾乎每間都要大排長龍, 朋友就帶左我去附近既工廈, 話有間台灣菜食過幾好食。其實自己一向都好抗拒工廠, 總覺得有點破舊低層次感覺。當升降機門打開就看見呢間餐廳, 整個感覺完全唔同, 餐廳內塗上既壁畫, 主要為台灣既著名旅遊景點, 而且店內都很整潔, 不擔心衛生問題。 一坐低, 店員都很親切介紹餐廳上既美食, 仲推介一D香港比較少可以吃到既款式。 看到餐廳上有火鍋套餐, 雖然已踏入夏天, 但火鍋既心一直沒有減退~ 我就揀左【牛奶菌菇鍋】HK$118, 選了鍋燒意麵, 同埋牛肉。其實每款鍋都別具特色, 如果ORDER第二鍋仲有半價優惠, 除返開都幾抵食!!! 奶白色湯底中已加入了紅棗、枸杞,當歸、黨蔘等, 還好沒有濃烈既藥材味, 先試一下湯底, 清甜得嘩了出來! 火鍋配料以三層式碟上檯, 最頂層就係自選既肉類---牛肉 肥牛的肥瘦平均, 色澤鮮紅~ 第二層有是日海鮮---蝦, 丸類等..當中有一粒獨立包裝既麻吉燒, 真係第一次見!! 拆開放入湯底滾左陣, 賣相同一咬落去既口感其實似湯丸, 入面既花生餡漿慢慢流出, 甜甜地, 幾似港式既花生湯丸, 幾好食!! 兩隻蝦都大大隻, 蝦肉結實, 不是死蝦, 肉質鮮甜彈牙 兩款丸類分別為芝士丸同埋蟹子丸, 食既時候要小心爆漿啊 底層就放了意粉餅、娃娃菜、粟米同埋一條特長蟹柳 意粉很索湯, 跟娃娃菜一樣同樣索到湯既精華, 正! 呢個火鍋湯底清甜得令所有火鍋食材都唔洗額外點火鍋醬汁再調味, 味道已經一流!! 讚~! 火鍋另order野飲, 都可以即減HK$10 我就補左HK$32揀左【阿華田豆漿】 豆漿同埋賣相似阿華田雪糕形狀既阿華田冰分開上檯, 店員建議先飲一啖豆漿, 再將阿華田冰倒插於豆漿中, 豆漿本身只是少少甜, 豆味重, 而且有少許豆碎, 阿華田冰比起豆漿甜少少, 所以溶埋一齊飲, 甜度剛剛好, 兩者味道更是平均。 【冰火芝士佐鹹酥雞】 HK$39 每件鹹酥雞都能一口一啖, 即叫即炸, 表面不會太油, 很脆, 但肉質沒有想像既嫩, 不過配上鹹香芝士, 味道亦不會差 【路邊灘小香腸】 HK$32 皮脆, 小香腸甜甜的, 表面仲加左炸蒜, 令味道更加香 呢度既甜品款式只有呢款【鮮果四季巴斐】 HK$49 最頂層係一球芝麻雪糕, 中層為奶味較重既漿, 混合了多款生果, 例如蘋果、菠蘿、火龍果等...不過菠蘿極酸~ 最底黑色就係jelly, 整體甜中帶一點酸, 稍為幫忙一下消化都幾好。 餐廳質素整體令我很有驚喜, 而且價錢不貴, 最緊要係全日冇加一!!! 的確抵食! ************************************************ 餐廳名稱:哈豆 Address: 觀塘駿業里6號富利工業大廈3樓A室 Tel.: 35759455 營業時間: 星期一至日: 11:30 - 21:00 公眾假期: 11:30 - 21:00 公眾假期前夕: 11:30 - 21:00 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************ 合作/邀請:keresa820@hotmail.com ************************************************