將近生日, 好姊妹有心地預早相約我食生日飯, 好姊妹經常笑說我四出食好野, 要找一間真正滿足我味蕾的確不易。 吃過今晚既生日飯後, 的確的確令我大滿足, 不得不跟大家分享, 而且還推介了身邊同事一去! 位於銅鑼灣既金朝陽中心2期Midtown, 這座大廈有不少餐廳, 主打一些高級美食。今晚就在28樓的 Kuro Japanese Cuisine用膳。一踩出lift口, 柔和燈光能營造出這裡絕對是high-class, 餐廳內裝修華麗, 點擊圖片放大 餐廳有一邊位置望出, 還能遠望維港景色~ 呢度除左有刺身、壽司, 仲有多款熟食, 而今次我地揀左最抵食既【KURO二人餐】HK$798 輕燒帆立貝佐牛油果, 黑魚子 雖然帆立貝只係開邊得一半, 但還是大大粒厚切, 表面輕輕火灸, 帶些少微溫, 內裡還是keep到刺身的鮮甜口感, 牛油果平衡一下油膩, 再以黑魚子吊味, 不用點任何醬汁都已經夠哂正~ 刺身-大藍洞 刺身均為厚切，單看賣相已見食材絕對有質素, 包括有特別係蝦肥美爽口甘甜, 三文魚厚而爽, 不是煤煤地果種 點擊圖片放大 +4 雜錦天婦羅 炸皮超酥脆, 最有驚喜就係隻天婦羅蝦, 蝦隻肉質為實肉, 大隻又肥美, 爽口鮮甜!! 而且蝦質仲keep到肉汁tim~ 黑鱈魚蟹膏燒 罕見以蟹膏吊味，將鱈魚外皮稍為香煎，保留鱈魚既原汁原味，肉質滑而且多汁，再以甘甜蟹膏吊一吊味，甘香可口，鱈魚既鮮味隨鹹香既蟹膏輕輕帶出，正！ 黑松露炒黑豚肉石鍋飯 雖然沒有預期熱辣辣的石鍋效果，沒有了石頭所生成既脆卜卜飯焦，但味覺係超出預期好食！上檯時傳出陣陣既松露香，配合大量既洋蔥絲、豚肉、珍珠米，個飯帶少少濕潤，甜甜地。而且啖啖都食到豐富食材。 甜品 - 京都黑豆牛乳布甸 食第一啖就嘩左一聲!!! 真係超超超超好食!! 入口滑既程度係入口即溶, 甜甜的牛乳味很突出, 仲有好香既黑芝麻醬做襯托, 完全係一個完美句號! 額外我地就加左個【拖羅豪華卷】HK$158 飯卷中卷了少許青菜絲, balance了拖羅中既魚油, 加左少少芝麻增加香口 【朱古力火鍋】HK$128 火鍋配料有泡芙、表面輕輕燒過既棉花糖、仲有兩球雪糕球, 火鍋中有暖暖既綠茶醬, 溝左少少朱古力醬, 稍嫌火鍋中既醬唔夠杰, 不易被沾上配料上食用。 整體無論裝修環境、食物質素、服務招呼, 都令我們非常滿意! 定必要bookmark再黎! ************************************************ 餐廳名稱：Kuro Japanese Cuisine Address: 銅鑼灣登龍街1-29號金朝陽中心2期Midtown 28樓 Tel.: 28826898, 68976898 營業時間： 星期一至日: 12:00 - 00:00 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************ 合作/邀請：keresa820@hotmail.com ************************************************
