雖然天氣愈黎愈熱, 但同朋友聚會, 邊慢食慢慢傾計, 打邊爐就最好不過。 朋友要求要坐得舒服, 食物質素要有返咁上下水準, 最後係網上搵左間位於銅鑼灣既樓上舖火鍋店, 之前未食過, 於是今晚就相約一試! 餐廳內環境氣氛偏向高檔氣派, 呢度有唔少既湯底選擇, 大部分偏向滋補養生湯底, 我地兩位女士一致選擇了呢度既招牌兼養顏既【招牌花膠湯底】HK$388 湯底呈奶白色, 湯底中既配料亦唔算多, 包括有花膠、螺頭、瑤柱、蟲草花、紅棗等...入口帶些少膠質, 味道濃郁, 不過花膠只有4,5件, size亦很小, 雖然味道唔錯, 但價錢實在太貴~ 要飲多幾碗先抵! (再加湯為一稀釋既花膠湯底, 不擔心加湯後, 會轉為淡而冇味) 【騸牯牛三寶半份】 包括有牛頸脊、邊抓同埋吊龍。 除左牛頸脊外, 另外兩款既名都係第一次聽, 似乎其他地方很少有。 牛頸脊 雪花紋理分佈平均, 入口鮮嫩, 牛脂很豐富! 邊抓 較為有咬口 吊龍 肉質林, 近開邊位有少少根相連, 爽而有些少咬口 三款牛都很新鮮, 喜歡食牛的不防一試! 【濟州豬】 意外驚喜地覺得最好食! 平時唔太好豬肉既我, 食得一塊已經不停encorn, 肉質嫩滑, 而且夠林, 唔會有渣滓。 【四合丸】 侍應介紹呢款為三款豬肉混合蝦肉而成, 味道鮮甜, 但沒有彈牙口感 【瑤柱冬筍丸】 同樣不是彈牙質素, 內裡有瑤柱+冬筍碎粒, 清甜, 味道勝於口感 【白鱔片】 肉質偏林, 而且有唔少幼骨連帶, 食既時候要小心 最後加左碟【生菜】嫩綠爽脆, 配合呢個咁正既湯底一流 呢度既環境同服務質素唔錯, 雖然食物質素未至於頂級, 湯底價錢可以調低少少會理想得多! ************************************************ 餐廳名稱：亞古鍋 Address: 銅鑼灣登龍街1-29號金朝陽中心2期Midtown 27樓 Tel.: 28826869, 61616869 營業時間： 星期一至日: 12:00 - 01:00 公眾假期: 12:00 - 01:00 公眾假期前夕: 12:00 - 01:00 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************ 合作/邀請：keresa820@hotmail.com ************************************************
