前排經過廣華街, 見到其中一間餐廳門外招牌掛上大大隻既立體蟹做招牌, 非常吸晴, 看一下門外menu, 果然係一間食蟹既專門店。 喜歡食蟹既我終於等到今日放假, 相約好姊妹Shopping兼去呢間食返餐。 餐廳內面積很少, 只有一張8人檯, 裝修簡潔偏向日式格調。 主打蟹既餐廳, 當然唔少美食都跟蟹有關, 設多款蟹既套餐, 價錢介乎百幾至六百左右, 而我就揀左【松葉盛】HK$298 另外還有少量刺身、小食款式選擇。 【松葉盛】HK$298 先上前菜 - 櫻花蝦糊麻豆腐 + 蟹肉味噌湯 凍食既糊麻豆腐超滑, 加上芝麻醬同埋少少既櫻花蝦, 非常惹味! 蟹肉味噌湯 - 很足料, 入面果然有啖啖既蟹肉, 味噌湯味道不會過鹹, 沒有覆蓋蟹本身既鮮甜味 清酒煮蜆 蜆既份量都幾多, 雖然不是肥美飽滿那種蜆, 但蜆肉清甜, 配上陣陣既酒香, 味道還是不錯! 火焰網燒松葉蟹鉗 食用方便, 一啖一隻, 火焰沒有影響蟹本身既水份, 亦食唔出蟹肉有被火焰過既焦香, 似乎只係殼表面被火焰過~ 三文魚子、松葉蟹肉、蟹羔丼飯 一梳梳既松葉蟹肉把整個飯覆蓋著, 蟹肉超鮮甜!! 份量不少! 蟹羔甘甜而不帶苦澀味, 還有少量櫻花蝦增添香口, 整個丼飯亦不用額外加豉油調味, 三文魚子既鹹香味跟鮮甜蟹肉都是perfect match! 甜品可自選: 柚子雪葩 / 白肉紅豆甜湯 我就揀左柚子雪葩, 柚子味突出, 口感似雪糕, 酸酸甜甜 套餐亦包括飲品, 自選梳打/汽水 白桃梳打, 當中仲有少少白桃碎, 正!!! 另外同朋友share左兩款小食: 【松葉蟹羔甲羅燒】HK$108 甲羅燒還帶不少水份, 唔會燒得太乾, 蟹羔味濃不會過鹹, 甘甜無比!! 甲羅燒中仲有唔少蟹肉碎增添口感, 超喜歡!! 【火炙河豚翅乾】HK$38 河豚翅乾不會燒得太乾, 帶些少煙韌口感, 亦不會太難咬開, 表面帶點焦香, 仲食到甜甜地, 正~ 餐廳地方雖少, 店主亦很Cool, 但待人接物依然感覺到nice~ 食物方面亦是比預期中更加好食!!! 絕對會bookmark再幫襯! ************************************************ 餐廳名稱：空海 Address: 旺角廣華街13號廣輝大廈地下2號舖 Tel.: 60108932 營業時間： 星期一至日 12:00 - 15:00 18:30 - 22:30 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************ 合作/邀請：keresa820@hotmail.com ************************************************
