朋友去完西班牙旅行, 一直回味當地美食, 係網上無意中發現一間西班牙菜餐廳, 評價既高, 於是就相約我陪佢去食返餐回味下。 平日晚7點左右, 食客不算多, 餐廳內設少部分卡位同埋一間VIP房for一大班朋友聚會。 我地兩個人order左一個小食、一個主食同一個甜品share食。 【芝士煎蟹餅】HK$168 初初意為蟹餅係一塊塊, 上檯先知原來係一個小煎pan上菜, 表面為焗至金黃既芝士, 旁邊有6隻已去殼既蟹鉗仔, 蟹鉗仔幾清甜, 而金黃芝士雖然不是拉絲那種, 但內裡竟然是流心蛋, 不過因為煎pan很熱, 如果想食滑蛋就要快d夾起, 否則流心蛋蛋汁很快熟, 當中有幾粒細細粒既薯仔同埋菇, 整體芝士味不太突出, 反而蛋香味什濃。 點擊圖片放大 【西班牙海鮮炒飯】HK$298 賣相很豐富, 有青口、蜆同埋4隻大蝦; 炒飯炒得粒粒分明, 帶少少辣, 很惹味, 大蝦蝦肉鮮甜彈牙, 蜆沒有沙, 青口不會太乾身。份量幾多, 絕對足夠兩個人食。 【雜果麻糬窩夫】HK$138 窩夫表面烘得略脆, 中心為少少煙韌既麻糬,配上多種水果、雪糕球同埋蜜糖, 整體亦不會過甜。 【雜果沙冰】HK$68 賣相幾靚幾吸引, 飲落仲好清新, 比起雜果賓治甜度再低一點。 不論食物、環境, 什至服務質素都是平均的好, 特別是侍應們既細心同耐性, 會詳情介紹餐廳上特色菜色, 又多次主動為我們加水, 非常細心, 令我地今晚食左餐很有質素既西班牙菜。 ************************************************ 餐廳名稱:La Postre Address: 銅鑼灣耀華街3-9號百樂中心19樓 Tel.: 35834611 營業時間: 星期一至日: 12:00 - 23:00 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************ 合作/邀請:keresa820@hotmail.com ************************************************