個人唔太喜歡蒲酒吧, 所以每次經過河內道, 都唔會太注意果條街既酒吧。而今晚友人建議一齊食餐西班牙菜, 最後帶左我去河內道呢間Playa de Papagayo。原來呢間餐廳並非一般既酒吧, 還有西班牙菜供應。 除了有多款調酒飲品外, 亦有少量Mocktail比唔飲得酒既朋友, 我就揀左【Miss strawberry】HK$42 菠蘿跟士多啤梨味味道平均~ 果味清新~ 【西班牙烤乳豬件配自家制酸椰菜，薯蓉】HK$88 出奇地係呢度食乳豬既價錢唔貴, 乳豬皮薄, 帶些少燒焦香, 肉質嫩滑juicy, 相連都幾多肉食, 醃製後不會過鹹, 伴碟有少訐薯蓉同埋酸椰菜, 可減少口中既膩。 【四式芝士薄餅】HK$128 Pizza以超級薄批整成, 邊位脆得似餅乾, 就算慢慢食, 食到最後一塊, 餅邊位依然是很脆! Pizza面既金黃芝士既吸引又邪惡, 雖然未至於可以拉絲, 但芝士味極為濃郁, 喜歡吃芝士的千萬不可以錯過。 【西班牙小油條配朱古力醬】HK$78 小油條烘至表面焦香鬆脆, 平均沾上幼沙糖, 甜甜地, 點上朱古力醬, 甜度再升高一點, 可當成一款甜品, 超喜歡!! 位於尖沙咀遊客區, 價錢亦不算貴, 店內沒有嘈吵的音樂, 可以一邊飲酒, 一邊嘆西班牙菜, 亦沒有時限交檯, 算係一個同朋友嘆酒嘆美食傾下計既好地方。 ************************************************ 餐廳名稱：Playa de Papagayo Address: 尖沙咀河內道5號普基商業中心地下N3號舖 Tel.: 27391808 營業時間:- 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************ 合作/邀請：keresa820@hotmail.com ************************************************
