最近連續幾日陰天, 落毛毛雨, 令到個人都冇咩活力, 突然諗起香噴噴既雞煲同打邊爐即時癮起, 而早排係旺角收到張傳單主sell雞煲+火鍋, 餐廳名令我印象深刻, 叫"吞POP", 於是book定位今晚同舊同學放工後食餐雞煲醒下胃。 打邊爐當然要混醬, 醬油 HK$10/位 呢度有7款雞煲選擇, 每款亦可自選半隻/一隻雞, 而我地就揀左【香辣雞煲】HK$138/半隻雞 雞煲已經預先調味煮好, 一上檯開蓋已經食得, 有火爐滾住, 個汁比較杰, 要快食再加湯打邊爐, 否則好易痴底。 雞煲有走辣至大辣不同程度選擇, 而我地就揀左bb辣, 但食得辣既我, 都覺得辣度非bb辣級, 唔食得辣既朋友建議都係走辣。不過雞煲係辣辣地先惹味, 雞煲內有大量洋蔥、半隻雞既雞件, 醃得好入味, 不能煮太耐, 否則雞件冇咁嫩滑。 【手打四寶丸】HK$95 分別有牛丸、蝦丸、墨魚丸、黑墨丸, 雖然沒有彈牙口感, 墨魚丸中有少少墨魚幼粒增加口感。 【自家制鮮蝦雲吞】HK$60 雲吞中既蝦雖然不是原隻, 但蝦肉是鮮甜爽口, 雲吞中有淡淡既韭菜味。 【脆肉鯇片】HK$58 鯇片開邊, 近魚皮位幾爽口 【皇帝菜】HK$30 色澤嫩綠清甜 ************************************************ 餐廳名稱:吞POT 雞煲火鍋.住家菜 Address: 旺角彌敦道726號23樓 Tel.: 25080002 營業時間: 星期一至五 12:00 - 15:00 17:30 - 00:00 星期六至日 12:30 - 15:30 17:30 - 00:00 公眾假期 12:30 - 15:30 17:30 - 00:00 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************ 合作/邀請:keresa820@hotmail.com ************************************************