放假去左朋友屋企吹水, 順道一齊過九龍城食個Dinner。九龍城有唔少泰國菜餐廳, 而今次我地揀左食過好幾次既"小曼谷", 好食當然encorn啦! 而且呢間泰國餐廳環境較為整潔, 坐得舒服d~ 呢度仲推出左特價菜式, 每晚9點後入座,仲有7折tim!!! 太肚餓既關係等唔到7點, 都可以揀d特價菜式黎食, 同樣拎到著數! 【冬蔭鮮蝦雲吞湯】HK$128 冬蔭公火鍋有個小火爐興住上檯, 份量大概有四碗仔, 入面有少少泰式香料、秀珍菇、同埋5粒雲吞。 個湯酸酸辣辣, 非常開胃, 每粒雲吞仲大大粒, 入面真係有唔少蝦肉, 爽口鮮甜, 果然真材實料~ 每次黎定必ORDER咖哩既菜式, 事關呢度既咖哩真係一試難忘! 【泰皇咖哩炒虎蝦】HK$238 有四隻大大隻既開邊虎蝦, 杰杰地既咖哩甜而不辣, 而且有陣陣蛋香味, 如果額外點蒜蓉包食更加一流!! 虎蝦肉質札實爽口, 食得出唔係死蝦, 咖哩只係沾到虎蝦表面, 所以沒有覆蓋到蝦肉既鮮味。 【原個椰青海鮮焗飯】HK$108 焗飯帶濃郁既椰香味, 甜甜地, 飯質較黏, 海鮮包括有青口、海蝦、魷魚、帶子同埋提子乾, 啖啖都清甜既椰汁香, 食到最後仲可以刮到少少椰肉食tim~ 【青檸菠蘿沙冰】HK$36 酸酸地, 又解熱又解渴, 味道清新, 仲有少少菠蘿肉食 食物質素依然keep得住咁正!! 服務更是招呼周到, 主動幫我地加水同換碟, 果然冇令我失望! ************************************************ 餐廳名稱:小曼谷海鮮燒烤屋 Address: 九龍城太子道西398號御太子地下1-3號舖 Tel.: 27167868 營業時間: 星期一至日: 11:30 - 01:30 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************ 合作/邀請:keresa820@hotmail.com ************************************************