雖然已經踏入夏天, 但打邊爐顆心仲係咁旺盛, 早排聽同事講, 話天后同炮台山交界有間好食到連湯底都飲埋既火鍋店, 即刻心思思想去試。今晚即約朋友放工去試試.... 餐廳面積不大, 設有部分卡位, 湯底方面主sell四款特式湯底, 點擊圖片放大 而我地就揀左【滋潤椰子雞煲】HK$128/半隻 個湯底非常足料, 半隻雞既份量都幾多, 其實都夠3-4人食, 避免雞件煮大耐, 否則錯過雞件嫩滑口感。 先試一啖湯底, 真係好飲到嘩左一聲!! 超超超清甜, 椰香味很突出, 當中仲有竹笙、雲耳、秀珍菇、香蔥等配料, 果然豐富!!! 我地飲完一碗再一碗, 然後待應再幫我地加湯打邊爐, 無錯!! 唔係加水, 亦唔係加清湯, 而係加入對應既原湯底, 令我地可以繼續品嚐美味湯底! 【美國安格斯雪花牛肉】HK$128/細 雪花分佈平均, 入口鮮嫩, 牛味濃, 牛脂幾乎達至入口即溶, 食得出不是雪藏貨。 【黑椒牛根丸】HK$38 牛根丸未至於很彈牙, 但味道還是甜甜的, 配上當中既黑椒, 幾惹味~ 【脆鯇片】HK$38 肉質不會太林, 近魚皮位置仲幾爽口 【魚皮餃】HK$48 雖然不是即包貨式, 但味道亦不輸蝕, 略帶鮮甜地, 不過皮稍為厚左少少 【牛柏葉】HK$48 切得很幼細, 較易烚熟, 很爽口 【栗米】HK$28 同樣切得很細, 清甜的! 【什果賓治】HK$48 味道較為偏甜, 不過夠凍, 都幾岩打邊爐 雖然地點跟地鐵站有一段距離, 但呢度既火鍋食材不太貴, 而且仲免醬油費, 特別係無限refill個湯底, 已經值得一去! ************************************************ 餐廳名稱：頭啖湯 Address: 天后威菲路道15-19號萬順樓地舖 Tel.: 25709017 營業時間： 星期一至日: 11:00 - 23:00 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************ 合作/邀請：keresa820@hotmail.com ************************************************
