朋友新居入伙, 夜晚帶左我地去樓下商場食晚飯。朋友極力推介一間餐廳, 佢地既招牌鴨煲係一定令我地一試難忘。講到咁正又點可以拒絕! 平晚8點左右, 餐廳內已經有8成食客, 設部分卡位, 店內抽風系統幾好, 唔會有焗促感。 落左order後就混醬準備打邊爐, 每位醬油HK$15, 其中有兩款調味仲係餐廳秘製。 我地點左【招牌家鄉鴨煲】HK$198 每張檯都設有冚入式既穫, 店員先爆香蒜頭同埋香蔥, 再將整碟鴨連汁一次過落穫炒, 點擊圖片放大 當時已經聞到香噴噴, 稍為再焗一陣就食得。鴨肉肉質軟糯而且非常入味, 個汁甜甜地杰杰地, 又有幾粒吸味既蘿蔔粒, 配上香蔥同埋莞茜一齊食, 確實係香氣樸鼻, 唔係周圍都可以食到呢個水準! 食完鴨之後加湯就開始打邊爐lu.... 【脆鯇片】HK$68 脆鯇片開雙飛, 近皮既位幾爽口 【即炸響鈴】HK$48 必食之一既一定係即炸響鈴! 即叫即炸, 每條響鈴卷左好幾個圈炸, 大大卷, 一咬之下非常脆口, 仲有淡淡既豆香味。 【鵝腸】HK$68 完全沒有肥油連帶, 很薄, 不過熟後唔算爽 【蟹籽墨魚滑】HK$88 雖然口感不太彈牙, 但味道鮮甜, 當中仲有少少墨魚幼粒增加口感。 整體食物水準平均的好, 特別係招牌家鄉鴨煲, 的確令我一試難忘! 服務更招呼周到, 係一間用心經營既餐廳, 怪不得吸引唔少街坊幫襯。 ************************************************ 餐廳名稱:彩興來來火鍋 Address: 將軍澳唐賢街帝景灣商場1樓34-35號舖 Tel.: 26829968 營業時間: 星期一至日: 11:00 - 23:00 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************ 合作/邀請:keresa820@hotmail.com ************************************************