好姊妹記得好耐之前係旺角食過間樓上cafe, 印象中唔錯, 提議再去encorn! 還好假日六點多未算太多人, 不用花時間等位。 坐下後, 店員告知最近換左個新menu, 更令人期待啊~ 我地兩個女仔order左一個沙律、小食拼盤同埋主食share~ 【蟹肉牛油果沙律配墨西哥粟米片】HK$86 平時食沙律主要都係沙律菜, 唔會有太大期望。但呢款沙律賣相與別不同, 很有新鮮感。 以兩塊類似碗形既粟米片夾住沙律上檯, 店員建議食之前將粟米片敲碎, 混合沙律一齊食, 一片片軟林既牛油果、火箭菜、海葡萄、大量蟹肉同埋他他醬。 入口除左食到脆口既粟米片, 同時食到鮮甜蟹肉同埋甜甜既他他醬, 對比傳統酸味味既沙律, 我更喜歡呢款特式沙律! 【吃吧特式拼盤】HK$132 每次叫小食我都好貪心想試多幾款, 拼盤就最岩我心意, 包括有蟹肉牛油果、鵝肝酥盒、水牛芝士蕃茄、溫泉蛋墨魚子、忌廉煙三文魚 每款都有兩個, 岩兩個人SHARE食。 蟹肉牛油果: 入口較糊口, 同時食到一梳梳鮮甜蟹肉 鵝肝酥盒: 鵝肝味唔太突出, 層層酥皮唔太脆 水牛芝士蕃茄: 淡淡芝士香+微香帶甜既蕃茄仔, 味道很夾 溫泉蛋墨魚子: 蛋味較淡, 粒粒墨魚子增添口感 忌廉煙三文魚: 煙三文魚包住忌廉+少少蔬菜粒, 軟滑忌廉味很出 【軟殼蟹肉醬千層面】HK$148 千層面溫度不是太熱, 肉醬亦唔會過酸, 但肉醬都幾多, 足夠沾上每層麵, 原隻軟殼蟹幾酥脆。 【水蜜桃荔枝茶】HK$56 有多款特飲選擇, 店員推介其中呢款飲品較為有特色, 以中式小花樽放著, 插上花做裝修, 賣相真的跟真花樽一樣! 水蜜桃跟荔枝味道平均, 唔會過甜~幾FRESH~! 雖然換左新MENU, 但食物既創新依然睇到餐廳用心, 味道都keep到水平, 服務招呼周到, 有機會再黎!!! ************************************************ 餐廳名稱:吃吧 Address: 旺角彌敦道566-568號僑建大廈2樓2室 Tel.: 61277112 營業時間: 星期一: 15:00 - 00:00 星期二: 全日休息 星期三至日: 15:00 - 00:00 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************ 合作/邀請:keresa820@hotmail.com ************************************************