美國既表姐黎香港旅遊, 我就帶佢周圍行下見識下香港地道文化, 今晚來到香港不夜天蘭桂坊, 經過見到原來有間食車仔麵既小店, 表姐覺得好新奇, "車仔麵"亦是香港地道美食, 所以我地就入左去醫醫肚。 餐廳小小, 卻提供多選擇既車仔麵Toppings同埋幾款小食, 雖然開設於蘭桂坊地段, 但價錢亦不算"掠水價"蘭桂 先點一些小食開開胃: 【椒鹽燒賣】 HK$20 燒賣外皮脆中帶點點煙韌, 灑上椒鹽, 很惹味。 怕熱氣既亦可選擇蒸燒賣. 同樣價錢, 還比椒鹽燒賣多三粒 【魚肉燒賣】 HK$20 【炸魚皮】 HK$22 香港地道小食, 酥脆, 沒有油益味。 【椒鹽雞軟骨】 HK$28 表面酥脆, 內裡軟骨爽中帶口感, 同樣是椒鹽, 惹味! 【炸軟殼蟹】 HK$36 份量為原隻軟殼蟹, 不算太油, 想不到連食車仔麵都可以食到呢款小食。 主菜終於來----- 【車仔麵】。 很多款都想試, 自選toppings+湯底+麵種, 加HK$9再追加飲品, 我就揀了豬紅、豬腸、水魷魚、海膽丸、牛腩、豬軟骨。 麵底份量都幾多, 我揀左油麵, 帶點點彈牙感。 我最喜歡當中既牛腩, 非常入味, 而且夠林, 中層有少少牛脂, 肉質不會太乾。 海膽丸一咬之下, 內裡都是流心啊.... 這間車仔麵不但受外國人歡迎, 就連我呢個香港人食完之後, 令我回憶到"想當年"既味道。 ************************************************ 餐廳名稱：蘭桂坊車仔麵 Address: 中環蘭桂坊6號地下 Tel.: 27622722 營業時間: 星期一至四: 10:00 - 23:00 星期五至六: 11:00 - 06:00 星期日: 全日休息 不設加一服務費 接受預先訂座: No ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: http://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************
