朋友生日飯唔想去D連鎖式餐廳, 想靜靜地搵間餐廳食餐生日飯, 突然諗起好耐之前去過尖沙咀既一個街角, 剛好滿足佢既要求, 而且食物質素跟餐廳既格調, "請食飯"絕對唔會失禮。 呢度提供多款All day breakfast、班尼迪蛋、意粉、薄餅等既英式茶, 仲有唔少既酒類飲品。除左單叫食物, dinner set都係一個幾化算既組合, 包餐湯、沙津、main course, 加HK$25有COFFEE, 追加HK$30仲有埋個甜品食tim~ 先送上餐湯跟沙津 沙津份量都幾多, 當中有半個蕃茄、新鮮沙津菜, 加上白醋, 酸味味, 很醒胃 是日餐湯為粟米湯, 質感偏杰, 粟米味幾濃, 旁邊既餐包稍為烘過帶點點脆。 【炸軟殼蟹鮮蝦扁意粉】HK$268 扁意粉軟硬適中,雖然唔係有juicy既汁,但每條意粉都唔會太乾身,原隻軟殼蟹脆而不油膩,四隻已去殼既蝦球爽口鮮甜。 【香蕉奶昔】 口感非常滑, 奶味香濃, 有淡淡既香蕉味, 整體都是少少甜 +HK$30 【紅絲絨蛋糕】 餐廳推介呢款CAKE當然要一試。奶酪跟蛋糕相間, 蛋糕超鬆軟但不太食得出味道, 反而白色層既奶酪香很突出, 微甜軟滑, 正~ 另外同朋友再share左呢度其中一款主打既班尼迪蛋 【煙三文魚班尼迪蛋】HK$105 流心蛋有淡淡既蛋香味, 口感好滑, 煙三文魚與班?間有少少菠菜, 底層麵包軟熟, 索左d蛋汁再加埋煙三文魚既鹹香味, 味道唔錯~ 雖然餐廳於尖沙咀街角, 但平日既人流都漸餐廳8成座位, 無論生日食飯、一大斑朋友聚會, 可算是一個唔錯既選擇。 ************************************************ 餐廳名稱:BRICK LANE Gallery Address: 尖沙咀棉登徑17-23號地下 Tel.: 27210628 營業時間: 星期一至四: 09:00 - 00:00 星期五至六: 09:00 - 01:00 星期日: 09:00 - 00:00 公眾假期: 09:00 - 00:00 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************