一向喜歡食三文魚既我, 從網上廣告得知深水?近排新開左間專食三文魚既放題, 以三文魚創作不同款式既食物。 同樣喜歡食三文魚既友人咁岩今晚都不用OT, 擇日不如撞日就相約今晚一齊去潮聖~ 門外展示了不同的折扣優惠, 更列明任食的款式同埋價錢, 這裡沒有劃分入座時間限制, 時間較易掌握, 入座起計1.5小時任飲任食! 除了任食放題外, 原來還可以選擇散叫刺身款式, 都是買一送一啊!!! 假設覺得只吃三文魚有點寡, 可以每人多加HK$30升級, 可以額外任食炸物同埋小食。 而我倆都是三文魚腔, 所以鎖定目標, 沒有追加, 只選任食三文魚的款式就夠了!!! 想不到"三文魚"都可以創作成咁多款配搭, 先來一碟三文魚刺身, 三文魚都是厚切, 質感偏林, 沒有魚油味, 但比爭鮮質素為高一點~ 辣味三文魚軍艦 這款配搭在味覺上有點驚喜, 整件放入口, 鹹中帶甜的千島醬帶出了味道, 多粒三文魚粒仲有少少蟹子, 增添了層次。 火灸三文魚壽司 火灸後亦不見太多魚油, 反而增加了一點焦香, 入口微暖 火灸三文魚忌廉芝士卷 火灸三文魚壽司多加了忌廉芝士, 帶少訐鹹香味, 加軟滑芝士, 多了一點邪惡感 碎蔥吞拿魚三文魚卷 吞拿魚蓉份量較少, 其實整個入口, 不太吃出吞拿魚味 加州三文魚卷 賣相最為吸引, 三文魚卷上有些少蟹籽, 加上了千島醬, 味道較濃, 重口味的一款壽司 三文魚冷麵 冷麵、青瓜絲、蟹柳絲、蟹籽撈在一起, 層次豐富, 加入了芝麻醬, 配搭比較穩陣~ 飲品方面都是自助形式取, 罐裝為主, 但沒有酒類飲品供應。 雖然食物質素不至於極好, 食物上檯速度較慢, 可以令食客可以慢慢吃, 改掉香港人的速食習慣。 二百蚊有找可以見識到多款三文魚菜式配搭, 算是難得。 ************************************************ 餐廳名稱：御品·千之味 Address: 深水埗荔枝角道390號C號地舖 Tel.: 37047177 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************
