今晚放工同好姊妹去左間旺角樓上CAFE閒聊食餐Dinner, Cafe提供唔少card game供食客借玩,設有幾張大檯, 岩哂一大班朋友聚會。 menu上食物款式唔多, 反而飲品種類多選擇。 除左散叫, 仲有set dinner 同 2人餐選擇。 我地各人點左一個set dinner 同埋 share左一個小食炸物併盤, 勝在一個價錢食到不同款既小食。 set dinner 加HK$12 ORDER左個忌廉蘑菇湯, 味道似金寶罐頭湯, 但入面既蘑菇係好足料, 超多蘑菇, 唔錯! 餐飲就補錢order左個 Oreo milk shake milk shake 很幼滑, 杰杰地, 唔會太甜 【黑松露海蝦帶子意大利飯】HK$125 意大利飯不會是生米粒口感, 飯質軟棉帶黏性, 黑松露不太突出, 隻蝦幾爽, 帶子不算鮮甜, 整體沒有想像中的濃郁味道, 喜歡食清清地既朋友可以一試。 【西班牙芝士焗海鮮意粉】HK$108 相反呢個set dinner 味道重口味一點。 淡淡芝士味, 海鮮包括有青口、魷魚、海蝦同埋三色椒, 賣相很吸引。意粉軟硬岩岩好, 而且份量好多, 甜中帶微酸, 如果海鮮份量再多一點平衡一下會更好。 【吉列海鮮拼盤】HK$158 拼盤包括有酥炸魚柳、日式吉列炸蝦、黃金蟹鉗、帶子、魷魚圈, 即叫即炸, 所有炸物都很脆而不帶油膩, 不過其中有兩粒帶子炸得過左少少火, 帶點焦。 日式吉列炸蝦皮脆, 隻蝦略帶爽口, 最好食係炸魚柳外脆內嫩~ 最後我地再加左每人HK$15享用埋甜品, 很有驚喜, BLUE BERRY cheese cake既芝士味很突出, 質地實, 但入口既creamy...面層酸酸甜甜既藍莓味, 令整個味道更加昇華。 餐廳內比較開揚, 多人時氣氛都幾熱鬧, 食物份量都幾多, 一定夠飽! ************************************************ 餐廳名稱：Nardo's Cafe Address: 旺角彌敦道594-596號旺角新城8樓全層 Tel.: 66775466 營業時間: 星期一至日: 12:00 - 01:00 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************
