又到每月一次既親戚聚會, 為左滿足大家不同口味需要, 放題就係最佳選擇。今次再來到交通極度方便既御滿屋, 對上一次幫襯已經係一年前, 喜歡周圍食放題既我, 只會返兜一d質素比較好既放題, 御滿屋就是其中一間啊~! 任飲任食三小時, 而自選時段則為2小時, 時間更易掌握, 價錢亦不貴, 每位三百蚊有找, 先不說食物質素, 對於旺區+交通方便黎講, 確實很抵! 飲品方面款式不少, 除罐裝汽水、紙包飲品外, 出面比較少見既罐裝特色果汁亦有供應, 而且酒類飲品更列入免費任飲, 另一邊還有清酒tim... click左紙仔落order既同時, 不用呆等, 這裡設有自取區, 冷盤小食、沙律、燉湯、小甜點, 朱古力噴泉等等.... 點擊圖片放大 就連爆谷機都有, 而且絕不馬虎, 9成爆谷都是焦黃, 味道夠甜, 很受歡迎, 所以很易就能吃到即爆爆谷, 真的令人忍不住食完一粒接一粒。 很快地order已經放上檯, 刺身以冰墊底, 款式超過十款之多, 每款都很新鮮, 甜蝦很肥美, 三文魚油香味很重, 口感略爽而不是煤煤的。 壽司、卷物方面, 款式不算是創新配搭, 但穩陣款式亦做得非常出色~ 火灸三文魚腩壽司、火灸左口魚壽司 火灸令迫出魚油, 令口腔充滿魚油香, 而且每件壽司飯都是細細件, 吃多幾件都唔會咁快飽。 軍艦壽司都是即叫即做, 上檯既紫菜還是脆身, 用料份量亦岩岩好, 跟飯比例都是一比一 芝麻雞翼 - 雖然不算非常香脆, 但keep到肉汁, 唔會太乾身 黃金燒扇貝 - 沙律醬佈滿扇貝面焗後依然充滿水份, 但沙律醬味道較重, 覆蓋了扇貝既鮮味 燒菠蘿 - 很juicy, 一咬之下肉汁湧出, 幸運地所order的都是甜而不酸 香辣牛柏葉 - 牛柏葉幾爽, 帶少少辣, 很惹味, 但每件都切得太小, 一碟沒幾多塊 避風塘炒蟹 - 很入味, 香蒜香口又惹味, 蟹肉都為實肉, 不是水汪汪既死蟹, 蟹鉗可見是大大隻呢!! 串燒系列選了海蝦、雞軟骨、牛舌 海蝦表面灑上鹽, 輕輕帶出鮮甜味 牛舌帶有肉汁, 不會太乾, 有口感但不會太硬 雞軟骨爽脆有口感, 特別是邊位帶少許焦香, 灑上少少鹽吊味, 我忍不住多order了幾round~! 最後當然是甜品環節, order了一款 北海道杏仁牛乳冰 牛乳冰質感幼滑, 口感好似平時食棉棉冰, 淡淡既牛奶味, 入口即溶, 更加入了少許杏仁粉, 令味道更有層次 自助區設有雪糕機, 自己支完雪糕仲可以加入自選配料, 乳酪雪糕同樣幼滑, 不會過甜, 帶點微酸, 正好作甜品消消濟~ 還有就是限量每人一杯貴價雪糕, 我就揀了榴槤雪糕, 這款似乎係出面未見過, 榴槤味清香, 不會太甜, 喜歡吃榴槤的朋友不防一試! 相隔一年重臨舊地, 質素還是keep得很好, 確實難得, 而且服務都是招呼周到, 不時為我地清理檯面上的骨碟, 而最值得一讚係食物沒有漏單情況出現, 在侍應提醒last order時, 更會問清楚有沒有食物未到。 令每位食客都能食到最想吃的, 絕對能夠食到飽飽捧住個肚走~ ************************************************ 餐廳名稱：御滿屋日本料理 Address: 旺角彌敦道655號胡社生行1樓 Tel.: 3622 3338, 3622 3336 營業時間： 星期一至四 12:00-15:00 17:30-00:30 星期五至六 12:00-15:00 17:30-01:00 星期日 12:00-15:00 17:30-00:30 設加一服務費 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************
