前幾日打電話book左九龍灣德藝會於復活節假第一日同媽咪飲茶, 營業時間剛好就係訓到自然醒既中午時段。 因為我唔係德藝會既member, 所以錯失了折扣優惠, 不打緊, 都有少量特價套餐選擇。呢度提供點心、小食、甜品同埋飽肚既炒粉麵飯。 而我地就揀左個最化算既套餐 "一品脆皮雞半隻 併 生炒糯米飯" HK$168 脆皮雞炸至金黃香脆, 肉質鮮嫩有肉汁, 而另外既生炒糯米飯質感偏少少硬同乾身, 有黏性, 還好切片臘腸都不會太硬。 之後加單order 珍珠咸水角 咸水角細細隻, 可以一啖一個, 炸得表面算係乾身,似乎是即炸, 熱辣辣夠鬆脆。如果入面既餡料再多返少少會更加理想。 金銀蒜焗茄子 原條茄子開邊切成一小件, 茄子焗得很林, 還keep到水份, 唔會太乾身, 上面佈了蒜蓉, 焗後蒜蓉更加香口, 而且當中加左少少炸蒜蓉, 蒜蓉調味岩岩好而不會過鹹, 個人幾中意呢個小食! Remarks: 茶芥每位HK$14 ************************************************ 餐廳名稱：會所1號 德藝會 Address: 九龍灣德福花園P13-14號 Tel.: 21487576 設加一服務費 營業時間: 星期一至日 12:00 - 15:00 18:00 - 22:30 接受預先訂座: Yes ************************************************ 【FOLLOW ME】 Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/blogger/keresawong/ Pixnet: http://keresa.pixnet.net/blog ************************************************
