野玩田店主打有營飲食, 以有機蔬果做出健康菜式, 多款不同生果配搭remix, 健康之餘, 味覺上更有意外驚喜! 餐廳貼心地於menu上將每款食物分類, 建議不同食客對身體攝取營養所需而選擇適當食物。 完全滿足現今追求健康既大眾需要! 最欣賞呢度既飲品, 不同生果配搭令人花多眼亂, 當中揀了 【藍莓+雪梨+榛子+蜜糖】HK$68 將其生果mix好再打成沙冰, 以蜜糖取代糖水, 清新果香又滋潤又解渴。 【巴黎汁焗時蔬】HK$68 第一次食巴黎汁, 味道似食緊淡忌廉x芝士, 算是一個創新煮法。 【芝士蘑菇釀雞翼】HK$78 其實芝士味不太突出, 脹卜卜既無骨雞翼中, 釀了蘑菇, 吃肉同時更吃到菇菌, 無意中食得健康! 【野玩四季雜錦pizza】HK$178 健康餐廳亦不失邪惡既芝士pizza, 照顧不同朋友需要。 薄脆餅乾餅底, 加上芝士、蘑菇、檻欖、煙肉, 健康中也找到點平均。 【日本頂級帶子海膽汁意大利飯】HK$198 海膽汁令整個飯變得橙黃, 幸好沒有腥味, 而且creamy...帶子大大粒, 表面稍為煎過, 但內裡還吃到鮮甜滑口感。 ————————————————餐廳名稱：野玩田店Address: 尖沙咀河內道18號K11購物藝術館2樓201號舖Tel.: 37554899營業時間：星期一至日: 11:30-00:00設加一服務費接受預先訂座: Yes====================Find me on Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/blogger/keresawong/ Pixnet: http://keresa.pixnet.net/blog
