係公司OT辛苦左成個月, 終於完成年結報告, 老闆決定請我地部門食餐好答謝大家既辛勞, 要滿足每位同事既喜好, 又唔可以超出老闆既budget, 放題絕對係一個好選擇。 雖然出面有唔少放題餐廳, 講到最有質素保証莫過於大喜屋集團。屋企人早排去過尖東新開既日悅極尚日式放題後讚口不絕, 而且地點交通亦算方便, 所以book地檯決定去呢間放題試試... 餐廳面積很大, 座位很集中, 自助吧檯設於餐廳中心位, 提供清酒、熱湯、冷盤前菜、甜點等等... 點擊圖片放大 +2 飲品款式多, 放滿整個大雪櫃, 更有常溫飲品供應 餐廳另一個偏廳設兒童遊玩區, 令帶同小朋友既家長們可以舒舒服服, 食得安心。 放題必食既刺身包括有北海道帶子、三文魚、油甘魚、赤貝、松葉蟹腳、甲紋魷魚、北寄貝、大赤蝦、甜蝦、希靈魚同埋8爪魚。刺身均為厚切而且新鮮, 當中最有驚喜就係蟹腳, 沒有雪味, 很鮮甜~ 推介必食! 壽司包括有特色創意壽司、手卷、軍艦、卷物, 款式花多眼亂, 眼闊肚窄只係揀幾款試試 軍艦即叫即整, 紫菜還是脆的 壽司既飯細細件, 食多幾件都唔會太快飽, 火灸壽司唔會太乾, 但其中既鵝肝帶子壽司, 就完全唔見鵝肝蹤影, 而且配搭燒汁, 食唔到帶子本身既味道 炸物方面唔會油膩, 最正既係芝麻雞翼, 表面香脆可口, 內裡juicy~~ 對燒物有點失望, 當中只ORDER了雞軟骨、鹽燒蝦同埋牛舌, 似乎所有串燒都燒得太過乾身, 令口感非常有趙口 至於帆立貝北海燒, 雖然呢款燒得不會太乾, 但每隻帆立貝只有半隻... 蒜片牛柳粒 牛柳粒林, 而且牛味幾出, 夾蒜片一齊食, 幾惹味 MENU上其中一推介既 蝦蟹粥亦唔錯, 雖然沒有蟹, 只有蟹籽增加口感, 湯底幾鮮甜, 入面只有一隻蝦, 可惜肉質是煤的~ 但湯底味道係唔錯~ 放題期間有店員搖起響鈴, 示意食客們可以到專櫃自取乳豬, 期間限定既乳豬卜卜脆, 而且沒有肥油連帶, 還帶些少肉汁, 唔錯!! 甜品方面只試了幾款糕點, 每款味道不錯, 甜度剛剛好, 特別係馬豆糕, 淡淡椰奶味... 點擊圖片放大 +2 MOVENPICK & Haagen-Dazs雪糕亦是任食啊!! 雖然今晚只係星期四, 但餐廳人流亦很旺場, 食物質素為中上, 價錢對於尖東地段黎講算係合理, 雖然click order既間中有漏單情況出現, 但到LAST ORDER時, 侍應都會為食客們爭取, 保證大家食齊最想食既款式。————————————————餐廳名稱：日悅極尚日式放題Address: 尖沙咀麼地道67號半島中心2樓Tel.: 23118888, 52962896營業時間：星期一至日12:00-15:0017:30-23:30設加一服務費接受預先訂座: Yes====================Find me on Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/blogger/keresawong/ Pixnet: http://keresa.pixnet.net/blog
