觀塘開左唔少食肆, 除左APM、工廈, 什至新建既寫字樓地下層都開左D平價新興茶餐廳, 附近返工既打工仔多一個用膳地方選擇。 係觀塘返工既朋友今晚帶左我去一間比較隱閉既新興茶餐廳CAFE食DINNER。 MENU上款式選擇令我花多眼 亂, 而且價錢出奇地平!!! 什至價錢比起連鎖式快餐更加抵! 本打算order兩個小食邊食邊慢慢傾, 點知上檯時, 真係呆左!!! 呢個份量不算是小食吧?! 即叫即焗, 芝士份量不少, 表面焗至金黃, 賣相吸引。 【黑松露芝士焗雜菌西蘭花】HK$48 西蘭花爽脆有口感, 淡淡芝士味配上較濃味既黑松露, 再灑上少少芝士粉增加芝士香, 配搭很邪惡! 【芝士肉醬薯條】HK$28 其他餐廳ORDER一個小食薯條份量通常只有呢度既一半, 即叫即炸, 很脆, 加上少少蕃茄肉醬, 唔洗點茄汁, 味道都剛剛好。 【玉子燒】HK$55 呢度既玉子燒有幾款唔同既款式/配搭, 而我地就揀左"吞拿魚芝士配炸帶子跟撈丁", 玉子燒以蛋層卷起吞拿魚芝士, 芝士有輕微漏漿, 入口好滑, 少少鹹既吞拿魚亦沒有完全覆蓋蛋香味, 撈丁偏硬, 如果個汁可以再多一點, 味道會更好。 好耐都有見過食鐵板餐有呢個價錢, 仲要有呢個份量!! 自選茨汁款式夠多, 再跟意粉/飯/薯菜。 【鐵板餐 - 黑松牛扒炸蝦】HK$80 個餐跟中/西湯, 是日西餐為羅宋湯, 第一個反應係....唔洗咁大碗啊?! 味道酸酸辣辣, 又幾開胃。 我就揀左龍蝦汁, 鐵板熱辣辣上檯, 龍蝦汁另上, 可以因應個人喜好加入汁醬份量, 龍蝦汁味道濃郁, 甜甜的, 大大塊牛扒幾乎整整覆蓋了所有配菜, 肉質帶點咬口感, 側邊位只有一條比較硬既牛根, 配上四隻吉列蝦同埋大量薯條, 非常飽肚。 【雪糕紅豆冰】HK$28 奶味幾出, 整體甜度剛剛好。 我同朋友兩個飽到捧住個肚走, 一共都係三百蚊有找! 仲要免加一服務費, 味道更是超出預期既好食~————————————————餐廳名稱：LM CafeAddress: 觀塘駿業街56號中海日升中心地下M舖Tel.: 26851128營業時間：星期一至六: 07:00-22:00星期日: 全日休息設加一服務費接受預先訂座: Yes====================Find me on Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/blogger/keresawong/ Pixnet: http://keresa.pixnet.net/blog
