同朋友去完太空館, 突然興起想食日本菜, 印象中記得北海道爐端燒既食物質素味道唔錯, 朋友亦有興趣一試, 於是我今晚又再重臨舊地。 平日晚7點左右, 餐廳內人流不多, 可以直接安排入座。 呢度有唔少酒精飲品供應, 亦有三款非酒精飲品選擇, 而我就揀左【桃色吐息】HK$38 冰凍桃汁梳打, 甜甜的。 三文魚腔既我地, order左兩款不同既三文魚刺身, 兩款均為厚切 【三文魚刺身】HK$75 雖然不是三文魚腩, 但三文魚紋理清晰, 食落唔會有根。 【三文魚(輕微香煎)刺身】HK$78 平時食火炙三文魚壽司食得多, 呢款火炙三文魚刺身, 餐廳只係係邊位表面稍為燒過, 魚油比起沒有燒過既三文魚更為豐富。 【油甘魚刺身】HK$88 油甘魚肥美甘甜 【左口魚邊壽司】HK$48 左口魚邊表面燒過, 迫出部份魚油, 肉質很爽而且嫩滑 【甜蝦壽司】HK$42 兩隻甜蝦併埋, 完全把壽司飯覆蓋了, 爽口鮮甜 【牡丹蝦壽司】HK$78 牡丹蝦更是肥美, 還加上少許三文魚籽, 令整體味道增添一點鹹香 【鵝肝帆立貝火炙壽司】HK$68 帆立貝大大隻, 鮮甜味十足。鵝肝火炙後, 表面帶香脆, 內裡入口即溶, 呢個配搭唔係周圍有得食。 【香酥雞軟骨】HK$48 雞軟骨帶些少油膩, 加入了少訐鹽吊味。口感跟味道同樣一流。 【炸明太子雞翼】HK$52 明太子雞翼脹卜卜, 表面炸至金黃香脆, 入面明太子仲帶甜中帶少少辣, 惹味~ 黎北海道爐端燒大部份食客都會order既其中一款就係【煙肉芝士奶油意大利麵】HK$128 一款能滿足視覺同味覺享受既意大利麵, 侍應推出一大磚芝士係我地旁邊, 將已預先煮好既煙肉奶油意大利麵放於芝士之上, 熱力令芝士磚熱溶, 侍應快速將意粉炒起, 然後就可以上檯。 意大利麵奶油味很重, 個汁好杰, 超級creamy, 芝士味唔算太濃, 當中既蝦仲好爽口tim~ 最後order了一個甜品, 【抹茶心太軟】HK$48 抹茶味很重, 不過似食緊抹茶蛋糕, 內裡流心不算明顯, 幸好心太軟口感鬆軟。 今晚又再次食左餐豐盛好味既晚餐, 整體食物質素同埋味道都仲keep到, 難得~keep going~!!!————————————————餐廳名稱：北海道爐端燒Address: 尖沙咀亞士厘道27號捷利商業大廈3樓Tel.: 24992217營業時間：星期一至日12:00-15:0018:00-23:00設加一服務費接受預先訂座: Yes====================Find me on Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/blogger/keresawong/ Pixnet: http://keresa.pixnet.net/blog
