天氣漸漸回暖, 無損我既打邊爐興致, 早排經過彌敦道收到一張傳單, 譽發廣場又新開一間火鍋店, 傳單上所示的火鍋湯底非常吸引, 新張期間仲有優惠。 平日晚8點半左右入座, 餐廳內已坐滿9成食客, 雖然餐廳面積不大, 但座位尚不算太迫。 入座每位茶芥HK$8, 而醬油每位再收HK$15, 對比一般火鍋店、酒樓來說, 這個價錢好像貴了一點點, 但原來呢度既茶都以花茶為主, 而醬油方面, 其中豉油跟XO醬都是餐廳所秘制, 不是非一般其他餐廳可以食到 而秘制醬油過程中不加味精, 所以就算我地食完整餐火鍋後當晚都不會感到過份口乾。醬油甜甜的, 混上其他配料一起, 絕對是錦上添花! 我地ORDER左其中一款特價鍋底【馳名大石砸死蟹】HK$268 當中除了主角大大隻膏蟹, 仲有大量蜆同埋莞茜, 呢款湯底果然是真材實料, 膏蟹都是實肉, 不會是水汪汪既死蟹, 膏蟹都很豐富呢~ 至於蜆的份量都很多, 多得可以堆成小山丘, 當中只有幾隻是有沙, 但整體可以接受。而湯底是鮮甜中帶點微辣, 十分惹味。 【封門柳】HK$168 餐廳介紹呢款牛肉是牛的橫隔膜部份, 其他餐廳比較少有, 每片都是薄薄的, 雖然脂肪不算多, 但口感很嫩滑, 牛味不會太重。 【手打芝士和牛丸(半份)】HK$58 大大粒手打丸, 略帶彈牙, 味道鮮甜, 中心位有爆漿芝士慢慢流出, 很邪惡。 【黑松露鮮蝦餃子(半份)】HK$52 即叫即包, 上檯時餃子表面沒有水氣, 而且每隻餃子都是脹卜卜。 黑松露味很突出, 雖然入面隻蝦不算大隻, 但都是原隻上, 可算誠意吧~ 【葵花寶典】HK$78 當然要ORDER一點蔬菜平均一下今餐既食肉獸, 而且仲可以吸取湯底味道。呢個蔬菜籃包括有娃娃菜、油麥菜、粟米、蕃茄。蔬菜都是新鮮翠綠, 清甜! 【稻庭烏冬】HK$28 烏冬略帶煙韌 湯底絕對是真材實材, 就連醬油都是餐廳自家制, 可見餐廳都是用心經營, 以後打邊爐又多一個好選擇!————————————————餐廳名稱：好滾得Address: 旺角彌敦道558-560號譽發廣場7樓Tel.: 64641626營業時間：星期一至日: 18:00-02:00公眾假期: 18:00-02:00公眾假期前夕: 18:00-02:00設加一服務費接受預先訂座: Yes==================== Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/blogger/keresawong/ Pixnet: http://keresa.pixnet.net/blog====================
