早前去荔枝角D2 Place市集, 經過發現左呢間賽車為題既餐廳，可以食下野, 又可以一家大細落場玩返手小型賽車比賽, 增添親子時間。 表弟仔剛考完試, 正好帶佢去放下電, 平日晚6點多，餐廳有幾檯都係family, 似乎target customer大多都是一家大細。 Menu上款式唔多, 主要為意粉小食, 不過價錢偏貴, 加野飲轉套餐都要另加三十幾。 我就order左個【忌廉雜菌意大利麵】HK$148 忌廉汁幾多, 但忌廉味唔太重, 落左幾多蒜蓉粒, 令味道偏鹹, 意粉帶點煙韌, 不會太林。而且份量少左d, 小朋友食都可能夠既⋯ 【咖哩厚切豬扒飯】HK$148 咖哩汁完全唔辣, 而且好稀, 好岩小朋友食, 豬扒略有點脆身, 但件豬扒同飯都只係暖。 香港好難得有個室內既賽車場岩大人小朋友一齊玩, 一個價錢, 兩個半小時任玩賽車。 賽車有大細車之分, 把握時間去BOOK時間, 都可以玩到好幾轉, 其實係玩呢方面係好抵! 點擊圖片放大 +2 小朋友賽車仲提供埋頭規等保護設備, 安全性幾高。 就連未過80cm高既小朋友, 餐廳都有照顧, 有一個細細既面積比佢地玩, 感受一下賽車氣氛。 雖然食物質素一般, 但賽車場搭夠, 同行既表弟仔亦玩得好興奮, 賽車絕對加返唔少分數！ ———————————————— 餐廳名稱：Crazy Car Café Address: 荔枝角長義街9號D2 Place Two 2樓205-211A&214號舖 Tel.: 34285298 營業時間： 星期一至日: 10:30-22:00 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
