天氣開始轉涼, 又打邊爐癮起, 行開花園街, 發現左有間新開既餐廳, 提供小菜同打邊爐, 而且唔收醬油費, 咁抵當然要入去一試! 免醬油費都可以自由混醬 湯底有十多款選擇, 而我就揀左其中推介既喇沙湯底。 【喇沙湯】HK$98 湯底很濃郁, 辣辣地, 非常惹味!! 忍不住係打邊爐之前飲多幾啖...湯底中仲有幾件吸味既豆卜, 索左湯底既精華, 正!! 【招牌手切本地肥牛(細)】HK$168 雪花分佈平均, 雖然未算入口即溶, 但牛味幾出。 【彈牙鮮蝦丸】HK$88 蝦丸中不見有蝦粒, 但略帶點鮮甜彈牙 【雞件】HK$48 雞件很嫩滑, 雞脾位, 啖啖肉 【牛柏葉】HK$48 呢個價錢, 份量雖然少左D, 但幾爽 【皇帝菜】HK$38 【粟米】HK$28 想不到, 就連蔬菜類都很清甜, 特別係皇帝菜可以吸到湯底味, 清甜又食到湯底既辣辣地, 味道很正!! 【稻庭烏冬】HK$28 還要多說一篇, 湯底真的很正!! 所以就叫左個烏冬, 來一個喇沙湯底烏冬, 讚~~~!! 除左喇沙湯底令我讚口不絕外, 呢度既服務確實一流, 招呼周到, 很用心的餐廳, KEEP going!! ———————————————— 餐廳名稱：有囍 Address: 太子花園街232-242號禮賢大廈地下K-M舖 Tel.: 23230888, 25292628 營業時間： 星期一至日: 07:00-23:30 設加一服務費 接受預先訂座: Yes ==================== Find me on Facebook: https://www.facebook.com/keresawong/ Instagram: https://www.instagram.com/keresawong.l.s/ Blogspot: https://keresawongls.blogspot.hk/ ====================
