心血來潮想食炸雞, 於是係網上search到一間較近Time Square既韓國餐廳食dinner。 平日晚7點左右, 人流慢慢開始多, 直到8時左右, 餐廳內已經接著多人, 更座無虛席, 入座起計用餐時間90分鐘。 呢度有多款炸雞、烤雞, 不過有部分款式已經售罄, 另外更有韓國麵食、小食、酒類飲品等供應。 唔飲酒既我揀左呢款【蘋果特飲】HK$58 大大杯, 有一串軟糖襯托, 賣相較為吸引, 不過呢杯飲品味道偏淡, 更不是有汽梳打, 食完軟糖再飲就更加淡味。 【雙重芝士炸雞】HK$175 炸雞有有骨同無骨選擇, 兩款價錢亦一樣, 懶人既我地當然揀無骨炸雞 炸雞唔會油膩, 外表炸得超香脆, 芝士粉佈滿每一件炸雞, 白色芝士粉為鹹香芝士味, 芝士味較淡, 而另一款就是甜甜的芝士, 芝士味為濃一點。 炸雞肉質嫩滑, 保留左少許肉汁, 唔錯。 雖然天氣還未轉冷, 但呢度已經推出左芝士火鍋。 【特級芝士火鍋】HK$278 火鍋有一小火爐烘著, 令芝士慢慢由和暖轉為熱...至於食材包括有手工流心芝士年糕、紫薯年糕、美國豬仔骨、黃金炸薯條、腸仔、車厘茄同埋麵包粒, 而芝士可以免費額外加一次, 芝士較杰, 味道唔會太濃~ 呢個套餐份量唔多, 兩個人Share食都唔會太飽, 仲可以order其他野食。豬仔骨很入味, 有甜甜地既燒汁, 就咁食已經好夠味。芝士年糕口感煙韌, 再點芝士食, 芝士味更濃郁。麵包粒烘至有點點硬身, 浸入火鍋中吸到芝士醬, 更易食到軟滑芝士。 個人認為芝士火鍋價錢偏貴, 但每年一次既季節性火鍋, 還可以一試。 呢間餐廳大約8點左右人流較多, 上菜比較慢, 但又設有限時用餐, 未必可以慢慢閒聊, 要急急食咁準時交檯。 ———————————————— 餐廳名稱：Sodam Chicken Address: 銅鑼灣耀華街3號百樂中心7樓 Tel.: 27280200 營業時間： 星期一至四: 12:00-23:30 星期五至六: 12:00-00:00 星期日: 12:00-23:30 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ==================== Find me on Facebook: https://www.facebook.com/keresawong/ Instagram: https://www.instagram.com/keresawong.l.s/ Blogspot: https://keresawongls.blogspot.hk/ ====================
