中秋一家人聚會, 媽咪最中意食乳豬, 我第一時間諗起大半年前去過灣仔兜記食過, 印象唔錯, 於是我就建議家人再去一齊嘆返個Dinner。 原來"兜記"改左名做"勝記", menu上稍為更改了, 但馳名乳豬依然保留著。 入座後, 待應先送去熱茶+前菜, 經部長推介下揀左幾款菜色試試, 當中不少得乳豬啦~ 【乾隆醉雞】HK$58 平時去上海菜餐廳先會有既醉雞, 呢度都有提供。質素、味道絕不馬虎, 醉雞肉質嫩滑, 而且入味, 有香醇既酒香味, 完全沒有苦澀味。 【勝記即燒乳豬】HK$193 (1/4隻) 招牌菜既乳豬, 本身擔心轉左名, 質素會唔會有參差, 做左白老鼠試過後, 可以放心。 乳豬即叫即燒, 所以order之後要耐心等候, 乳豬皮同肉分開, 中層既脂肪已被去除, 乳豬脆卜卜, 肉質還帶點肉汁, 配上熱辣辣既粉餅夾住一齊食, 減少油膩感。質素同味道沒有落差, 唔錯!! 【乾炒牛河】HK$88 份量大大碟, 當中既牛肉都幾多, 炒得好有穫氣, 很有火喉!! 整體唔會太油膩~ 【紅燒乳鴿】HK$38/隻 乳鴿雖然細隻, 但醃得好入味, 乳鴿預先鹵過再炸, 表面唔會太脆, 一咬之下發現乳鴿好juicy, 唔洗再額外調味已經夠哂好食~ 最後更送上糖水為這餐美味dinner畫上完美句號~ 整體呢度雖然轉左名, 但食物質素同樣KEEP到水準, 服務依然招呼周到, 係晚飯期間見到待應們跟其他食客有講有笑, 很親切, 怪不得吸引唔少熟客前去幫襯。 ———————————————— 餐廳名稱：勝記酒家 Address: 灣仔杜老誌道6號群策大廈3樓 Tel.: 28363108 營業時間： 星期一至日: 10:30-23:00 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
