食肉獸既我, 今日轉下口味, 追求健康, 一位素食朋友帶左我去一間位於厚福街新開既主打西式素食餐廳食個TEA。 Menu上9成9都可供全素食者食用, 初嘗素食既我, 見到menu上既素牛扒漢堡就好奇一試! 於櫃面點餐付錢後, 店員就會送餐至客人檯上。 【2DP自家製素牛扒漢堡 配炸蕃薯條】HK$108/set (配是日餐湯+精選泡茶) 漢堡比預期中細個, 賣相沒有平時食開肉食Burger的"邪惡感", 麵包用以法國麵粉製, 不是普通的食完唔飽既空氣包, 中層有薄薄脆雲吞皮+芝士, 用以增加口感, 但芝士味唔突出。 酸菜+蒿麥醬取代平時既沙律醬, 重點的素牛扒以植物蛋白、秋葵、紅菜頭、蓮藕、燕麥混合而成, 麥味很重, 但素牛扒偏向乾身, 相比平時食開既"真"牛肉, 味道差太遠! 整體味道偏淡, 但確實用料為健康飽肚食材, 食完都幾飽。 伴碟既炸蕃薯條, 沒有半點油膩感, 脆度低, 少少甜既蕃薯再增加飽肚感。 餐湯為蕃茄蓉湯, 帶點微酸, 餐茶為凍鐵觀音茶, 食西餐飲凍中國茶都係第一次。茶味甘香不帶半點苦。 【炸韭菜木耳芝士雲吞 (5件)】HK$35 雲吞所包餡料細細粒, 外皮炸到脆卜卜, 入口有好重既韭菜香味, 仲有略為滿足少少口感既木耳絲, 配上沙津醬, 味道相對素牛肉BURGER, 味道冇咁寡, 我呢個食肉獸都幾LIKE! 見到MENU上有個全新套餐, 而且惠顧既話, 餐廳仲會撥捐10%收益比慈善機構, 於是又order試試 【Flamingo Special - Frappe & Cake】HK$96/set 紅鶴賣相像真度很高, 很可愛, 就連頭同埋翼位都以朱古力製成, 可以食用。蛋糕鬆軟, 帶點點甜味+清香茶味, 配上火龍果混合乳酸+沙冰打成做飲品, 解渴之餘更不失健康, 有得食, 仲可以做埋善事, 值得一試! ———————————————— 餐廳名稱：2DP Address: 尖沙咀厚福街12至12號A藍馬商業大廈地下 Tel.: 37059590 營業時間： 星期一至四: 12:00-00:00 星期五至六: 12:00-01:00 星期日: 12:00-00:00 不設加一服務費 接受預先訂座: No ==================== Find me on Facebook/Openrice/UBlog: Keresawong.L.S ====================
