經過一間巷仔有間越南粉麵小店, 門外張貼價錢對於灣仔路段黎講, 算係幾親民, 加上妹妹話平日晚搭車經過呢度都大排長龍, 抱住至少唔會中伏既心態入去一試。 店內面積較細, 但對於速食黎講, 可以接受啦.... 呢度既粉麵SIZE有分標準同大SIZE, 更有加大SIZE, 聽店員講XL幾乎有半張檯咁大碗, 所以我地怕食唔哂, 都係每人叫返個大SIZE既粉食, 仲可以另加HK$15轉套餐 (跟小食+飲品) 食越南菜我定必order既【香茅雞翼】HK$32 即叫即炸, 表面炸得香黃香脆, 仲帶有少少香茅, 極為香口, 內裡仲幾入味JUCIY, 正!! 【安格斯生牛肉牛丸湯河粉】HK$59 牛肉好新鮮, 脂肪分佈平均, 入口好嫩, 唔會有根連帶。(如果怕食生, 可以要求整熟哂上檯) 至於牛丸帶點鮮甜彈牙; 芽菜、青擰、辣椒碎、九層塔分開上, 可以因應個人喜好加入, 湯底濃郁甘甜, 食到幾乎湯底都飲清。 【香茅蝦餅】 反而呢個有點失望, 雖然表面炸得好脆, 而且不油膩, 但蝦餅鮮甜味唔太突出, 而且仲欠缺彈牙口感。 【香茅豬扒湯河粉】HK$62 原來塊豬扒好大塊, 沒有肥膏連帶, 肉質唔硬, 好香口 【越式蔗蝦】 表面口感鬆脆, 入面有蝦同蘿蔔絲, 不過就唔太食得出隻蝦既口感。 整體黎講, 呢個價錢仲要唔洗加一食到呢個質素, 而且食完會覺得飽肚, 的確幾抵! ———————————————— 餐廳名稱：Pho 778 Address: 灣仔灣仔道177-179號保和大廈地下F號舖 Tel.: 28772223 營業時間： 星期一至日: 12:00-22:00 不設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
