韓國人主理Fusion菜餐廳, 原來搬左去銅鑼灣開新店, 今晚同朋友一聚, 順便一起品嚐韓國Fusion菜。 店內裝修簡樸, 地方整潔, 除左有室內座位, 更設有室外。室內更有很可愛既呈雲狀既吊燈, 配合返呢度主打既"一舊Seoulmate泡菜炒飯"。 呢度既款式配搭都很有創意, 很吸引, 其他地方都好少機會可以食到。 先黎一杯飲品, 【草莓芝士奶蓋】HK$48 口感香滑, 奶味特濃, 好似飲緊奶昔, 淡淡既士多啤梨味, 但就飲唔出有芝士味。 【岩漿蛋拌飯配黑松露煙三文魚】HK$98 蛋漿、青瓜絲、蘿蔔絲同埋飯疊得整齊上檯, 面層仲有幾件併成花狀既煙三文魚。食之前將旁邊既韓式辣醬跟飯MIX埋一齊食, 蛋漿令整個飯較為濕,夾集青瓜絲同埋蘿蔔絲一齊食, 增加爽脆口感。帶點微辣, 而且煙三文魚份量都幾多, 不過黑松露味就唔太突出。 【一舊Seoulmate雲下的泡菜炒飯】HK$128 話明主打菜款式, 當然要order一試! 賣相超可愛, 影相擺上網呃like一流! 一切開, 蛋漿慢慢湧出, 表面白色雲層其實冇味, 口感似食緊泡泡咁, 入口3秒左右即溶, 攪拌一齊食, 口感特別。泡菜炒飯一D都唔辣, 味道較淡, 所以小朋友都岩食。 【韓燒牛粒蘑菇薄餅 (10吋)】HK$112 賣相同味道其實同西式pizza差不多, pizza為薄批, 芝士同蕃茄醬對pizza黎講係絕配, 但牛粒較細粒, 所以牛味唔太特出, 而餅底邊位烘得好脆, 仲脆得好似餅乾咁... 呢間韓國Fusion餐廳, 沒有傳統啤酒炸雞, 沒有韓燒, 但創意既韓國fusion菜, 都很有驚喜, 很有新鮮感。 ———————————————— 餐廳名稱：Seoulmate Cafe Address: 銅鑼灣駱克道491-499號京都廣場4樓 Tel.: 21046788 營業時間： 星期一至四: 12:30-22:30 星期五至六: 12:30-23:30 星期日: 12:30-22:30 公眾假期: 12:30-23:30 公眾假期前夕: 12:30-23:30 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
