餐廳為開放式, 所以沒有焗促感, 但當晚人流都幾旺, 但全場侍應就只有三個, 人手有點不足~ 雖然係咁, 但服務都幾好, 只是搵waiter落order比較困難少少。 我同朋友各人都揀左個湯: 【法式芝士洋蔥湯】HK$48 呢款湯很特別, 面層芝士焗得金黃, 質感好似酥皮湯咁, 但就唔脆, 吉起時, 芝士有輕微拉絲效果, 芝士味很濃, 至於入面既洋蔥湯幾清甜, 冇想像中果種唱口感, 很易入口。 【蘑菇忌廉湯】HK$38 湯較為杰, 忌廉味很重, 入口香滑, 但就冇打成蓉既菇粒 【大蝦貝比生菜拌香菜沙律】HK$48 平時係出面食既沙律一般都以沙律菜為主, 但呢度反傳統, 用左大量既莞茜做主角, 再加入沙律醋, 整體味道有點過酸, 而且食完之後, 口中既莞茜味極重! 【焗釀帶子大蘑菇】HK$48 最愛呢款小食, 焗後大蘑菇仲keep到超級juicy, 能食到原汁原味既菇味, 配上略有鮮甜既帶子同蟹子, 口感更為豐富。 【炸日本蕃薯&南瓜配芥末醬】HK$38 炸皮很薄, 蕃薯同南瓜本身已經很清甜, 就算唔點隔離既芥末醬, 都夠哂正~ 【蝦牛油果法包多士】HK$38 多士烘得很脆, 雖然有較杰既牛油果醬汁cover, 但多士仲keep得脆身, 雖然唔太食到隻蝦既鮮味, 但牛油果配蝦, 味道又幾夾 【意大利白酒蜆汁蒸海鮮】HK$108 魚柳索左d湯, 質感林pat pat, 個湯底可能落太多酒, 酒味未能完全蒸發, 令青口同蜆都食唔出鮮甜味, 反而食到白酒既苦 【黑松露鴨肝牛肝菌長Pizza】HK$128 炭燒香味什濃, 餅底做得好薄, 黑松露同埋芝士味很平均, 雖然芝士沒有拉絲, 但入口時pizza面層都唔會太乾身。 【Maycha Frozen】HK$53 幼滑口感, 抹茶味很突出, 完全沒有苦澀味, 甜度岩岩好, 唔錯~ 【Dutch Baby (Chocolate Banana)】HK$58 初初意為呢個配搭會過甜, 但食落甜度又岩岩好, pancake既蛋味幾香, 而朱古力醬亦唔係太濃太甜果種, 食完之後都唔會令喉嚨太乾。 整體而言, 呢度既價錢屬中性, 唔會太貴, 食物款式配搭都做得唔錯, 值得一去。 ———————————————— 餐廳名稱：GOCHISO Address: 銅鑼灣告士打道311號皇室堡2樓203-204號舖 Tel.: 26583118 營業時間： 星期一至日: 11:30-22:30 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
