今日忙完成日, 連晏晝都冇時間食野, 今日收工立即提議媽咪今晚一齊食放題! 一講起放題, 第一時間諗起旺角既放題集中地兆萬中心, 太耐冇打過邊爐, 但媽咪又想食日式刺身放題, 最後就揀左間好耐之前去過既”壹火鍋”。 勝在價錢唔貴, 同埋滿足到我地既要求。平日8點左右入座, 餐廳內滿是食客, 而且門口仲有十幾人排隊。呢度入座起計2小時內任飲任食, 所以剛好有其他食客食完, 好快就安排左我地入座。 一坐低, 先揀好湯底/雞煲, 8款湯底中可以揀兩款做鴛鴦湯底, 亦可以揀一款雞煲, 食完之後加湯再打邊爐, 而我地就揀左鴛鴦湯底 – 骨膠豚骨湯底同埋四川麻辣湯底, 麻辣湯底仲可以揀大中小辣tim~ 另外, 每位加HK$30仲可以任食刺身, 因為太肚餓既關係, 我地決定加左錢食刺身外, 仲升級要埋隻海鮮船 (每位加HK$59)。 混醬、飲品、甜品都係出面自助, 醬油方面不會另加收費。 很快湯底、刺身、海鮮船都逐一上檯。 骨膠豚骨湯底幾清, 但麻辣湯底個人就覺得太濃, 所有經呢個湯底煮過既, 都幾乎吸哂湯底既辣味。 海鮮船既海鮮係以人頭計分配份量, 包括有龍蝦、鮑魚、蟶子、蜆、生蠔、蟹腳、珊湖蚌。 點擊圖片放大 所有海鮮不會是雪藏貨, 絕不是有雪氣果種質素。雖然唔比得上高級質素, 但總算有鮮甜味, 沒有沙, 以呢個價錢食到呢個質素, 都值得。 刺身既質素亦都唔差, 起碼刺身不會帶腥味, 而且款式拍得上主打日式放題既餐廳。 火鍋食材都係Click紙仔order, 當晚全場坐滿食客, 但野食都黎得幾快, 而且從頭到尾都冇漏單。 每碟火鍋食材都細細份, 可以食多幾款。 雪花肥牛肉 牛脂肪唔多, 均為薄切, 熟後都唔會難咬開 海白鱔 鱔片很新鮮, 一烚即食, 很爽口鮮甜 粟米 細細份, 清甜 海中蝦 不會是死蝦, 帶點鮮甜 手打墨魚滑/蝦滑 呢度既手打就一般, 沒有彈牙口感 鮮蝦雲吞 入面只有小蝦粒, 沒有驚喜 火炙芝心丸 入面有好多芝士, 而且芝士味很重, 丸類黎講, 呢款比較好! 鵝腸 雖然連帶少少肥膏, 但可接受, 很有爽口感 整體黎講, d野食黎得夠快夠齊, 120分鐘其實足夠大家食到飽, 值得一試! ———————————————— 餐廳名稱：壹火鍋 Address: 旺角西洋菜街1號兆萬中心16樓 Tel.: 27808399 營業時間： 星期一至日 17:00-03:00 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
