早前係美麗華shopping經過見到呢間cafe, 一直都想去試, 但成日覺得呢d賣衫隔離比人飲野既cafe, 食物質素都較為參差, 貴夾唔飽。 而正正今日星期日放假, 8號風球又臨近下午先落, 於是朋友建議近近地係shopping mall呢間cafe先食個Brunch醫醫肚。 店內很有舒適、colourful既感覺, 而且很整潔。 原來呢間cafe價錢對比尖沙咀地段黎講唔算太貴, 而brunch既二人餐就更加抵食~ Holiday Brunch HK$288另加一 呢個餐包兩杯餐飲, 更可以以半價升級特飲 我地升級左其中一杯 【Peach & Grapefruit Squash】(半價優惠加HK$24) 兩款果汁混合一齊, 當中有少少有汽梳打, 味道帶點澀澀地, 唔會太甜 而另一杯係跟餐既餐飲, 揀左凍檸茶, 原來都幾大杯, 甜度仲可以先行調較, 仲有好多片檸檬tim~~ 【廚師沙律】 新鮮爽脆沙律菜配上芝麻醬, 很開胃 【黑咖哩汁蛋包飯配吉列豬扒】 第一次食黑咖哩, 味道甜甜地, 有好濃郁既咖哩味, 個汁幾杰, 吉列豬扒即炸, 外皮很脆而不油膩, 豬扒很鮮嫩, 蛋包飯既蛋為8成熟, 唔會煮得太老, 保留返少少蛋汁, 撈埋入面既飯一齊食, 整個飯味道幾濃又多汁, 很正!! 【炸軟殼蟹辣味肉醬意粉】 每條意粉都平均撈到肉醬汁, 連帶少少肉碎, 同樣軟殼蟹都係即炸, 而且仲係原隻既份量, 脆得又唔會太硬, 內裡keep到少少肉汁。不過意粉就冇咩辣味, 反而係甜甜地有點微酸, 愈食愈開胃。 呢個餐更可以以半價加一杯芭菲, 我地就揀左【OREO芝士蛋糕芭菲】(半價優惠加HK$34) 芝士蛋糕很鬆軟, 中間有一球雲呢拿雪糕, 仲有d OREO碎粉同OREO餅, 底下仲有少少脆片增加口感tim... 食完之後真係令我對呢間cafe既印象完全改觀, 意想不到既好食, 不過係網上見到呢間cafe有唔少人都稱讚呢度既野食唔錯, 但唔太滿意呢度既服務質素。估計應該係呢度既侍應比較cool, 對客欠缺了親切笑容, 但其實對答同處事方面都很周到, 所以令唔少人對呢度既服務有所誤會吧~ ———————————————— 餐廳名稱：WIRED CAFE Address: 尖沙咀彌敦道 118 -130號美麗華廣場二期低層地下B169 號舖 Tel.: 2369 6679 營業時間： 星期一至四: 11:30-22:30 星期五至六: 11:30-23:00 星期日: 11:30-22:30 公眾假期: 11:30-23:00 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
