"樂天皇朝"係青衣城都開左新分店喇!!! 店內很整潔, 一坐低, 侍應先送上熱茶同埋前菜 (茶芥每位HK$7; 前菜 HK$15) 呢度提供多款上海小食、主食、上海麵、飯類、甜品等等....當然唔少得呢度主打既小籠包啦! 最具特色既係有8款唔同色、唔同味道既小籠包。不過媽咪比較傳統, 還是最喜歡原味小籠包。上菜速度幾快, 十分鐘左右就已經可以開餐!!! 【醋醬海蜇頭】HK$62 呢款為凍食, 海蜇頭超級爽脆, 表面沾左醋汁, 酸味味, 很開胃, 係一款值得推介既前菜。 【李白醉雞】HK$78 同樣都係凍食, 呢款都幾多人Order。加十蚊可以指定要雞脾位, 但就算我地冇加, 都幾多肉食。醉雞賣相已經好吸引, 酒香撲鼻, 肉質嫩滑而且入味, 有淡淡香醇既酒香味, 完全沒有苦澀, 雞皮沒有厚厚既肥油層, 而且很爽滑。 【上海生煎包】HK$38 包質軟棉, 底部煎得略為脆口, 包入面仲有好多既湯汁, 同埋鮮甜又juicy既肉。 【無錫鮮肉鍋貼】HK$36 鍋貼底部煎得略脆, 皮薄, 入面同樣有鮮甜又juicy既肉。 【蟹粉炒飯】HK$128 呢款有d失望, 份量比例少, 蛋味較濃, 但蟹味唔太突出。不過炒飯係幾有穫氣, 而且粒粒分明。 【酸辣海鮮湯拉麵】HK$62 上海拉麵麵質軟硬岩岩好, 酸辣湯湯底較杰, 酸辣味道濃郁, 好夠辣, 當中有大量既雲耳絲同埋豆腐等等, 仲有幾隻較爽既蝦, 略為增加點口感。 【原味小籠包(6隻)】HK$58 因為小籠包係即叫即蒸, 製作需時。小籠包熱辣辣上檯, 小籠包皮很薄, 咬開時, 入面豐富又鮮甜又juicy既湯汁多到湧出黎, 不愧為招牌菜。 最後Order左個甜品【香煎豆沙鍋餅】HK$46 餅皮有好香既蛋香味, 味道有d似街頭小食既雞蛋仔, 表面煎得一d都唔油膩, 略帶香脆, 每件鍋餅中間都有少少既豆沙, 唔會太甜, 唔錯!! ———————————————— 餐廳名稱：樂天皇朝 Address: 青衣青敬路33號青衣城3樓310B號舖 Tel.: 2177 8777 營業時間： 星期一至五: 11:30-22:30 星期六至日: 11:00-22:30 公眾假期: 11:00-22:30 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
