店內設大量卡位, 坐得都幾舒服。 呢度有兩個價錢之分, 火鍋+甜品放題平日都係二百蚊有找, 如果想食埋日本料理刺身等等, 都係每人加多HK$40, 都幾抵! 價錢相差唔太多, 而且見日本料理款式都幾多, 所以我地決定比多幾十蚊食埋日本野! 湯底我就揀左"黑松露龍蝦湯底", 不過呢款湯底味道就唔太食得出有黑松露味, 但就有淡淡既清甜, 由於一開始個湯底已經比較少, 一滾之下, 職員已為我地加湯 (其實同水冇咩分別), 令個湯底更淡.... 丸類、蔬菜類、混醬區、烏冬麵食等等...都係自助出面拎, 款式都幾多。 點擊圖片放大 +3 飲品方面, 以罐裝為主, 汽水、啤酒都係任飲。就連自助啤酒機都有, 不過我唔飲酒, 味道如何就唔清楚! 我地click紙order既野食, 上檯都幾快, 所有都以人頭份量分配, 不過主打既牛肉, 就可以揀大細size (圖中為細size), 唔會每次幾片幾片咁上, 可以食得更暢快。 美國牛肉、極上牛肉兩款既色澤都顯新鮮, 兩者分別於口感, 後者較為有咬口 我地係出面都拎左d響鈴、栗米同埋丸類 響鈴沒什麼豆味, 亦不會脆, 不過喜歡浸林索湯既朋友, 就冇咩所謂, 都係吸味之選 反而幾中意栗米, 好甜~~~ 白酒煮蜆 - 清醇既酒味, 蜆肉更顯鮮甜味 海蝦為火鍋配料, 不過肉質唔算非常爽口 最有驚喜反而係呢度既刺身, 一般我對主打火鍋火鍋放題既刺身唔會抱太大期望, 但呢度竟為我帶黎驚喜 各款刺身新鮮肥美, 完全沒有腥味, 三文魚為厚切, 赤貝大隻, 而且帶有爽口感, 甜蝦略帶點爽甜 呢度既炸物亦值得order, 所有都即叫即炸, 不會油膩 芝麻雞翼 表面超香脆, 內裡Juicy.... 一口芝士 外脆內軟, 內有軟軟的香濃芝士 天婦羅蝦 炸皮薄, 皮層有層次, 入面隻蝦好爽 最後當然要order甜品啦~ 呢度既甜品都有十多款選擇 當中最欣賞既係宇治抹茶芭菲同新地, 賣相同味道絕對同出面日式餐廳食既差不多, 抹茶雪糕甘甘甜甜, 超級香滑 日式乳酪 酸酸味味, 岩哂食到飽之後消濟 整體黎講, 二百蚊左右就可以食到咁多野食, 其實都幾抵...唔怪得入夜時份, 全場幾乎爆滿啦~ ———————————————— 【晚市放題2小時】 A) 日本料理、火鍋、甜品 星期一至四: 成人: HK$208; 小童/長者: HK$118 7:30前結賑離座/9:30後入座: 成人: HK$168; 小童/長者: HK$118 (星期五、六、日、公眾假期、前夕: 另加HK$20) - B) 火鍋、甜品 星期一至四: 成人: HK$168; 小童/長者: HK$108 7:30前結賑離座/9:30後入座: 成人: HK$148; 小童/長者: HK$108 (星期五、六、日、公眾假期、前夕: 另加HK$20) ———————————————— 餐廳名稱：牛之鍋 Address: 荃灣荃華街3號悅來坊2樓202號舖 Tel.: 2613 8178 營業時間： 星期一至日: 12:00-23:30 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
