上個月媽咪同朋友黎過呢間食過後, 對呢度既野食同服務都讚口不絕~ 今晚媽咪建議再黎呢度,一家人食晚飯。 傍晚時段入座, 店內未有食客, 一坐低, 待應先送上五色泰式同越式汁醬, 還先跟我地仔細介紹邊款食物配上哪一款醬汁味道最佳。 我地點左幾款野食, 店員為我地調好上菜節奏, 免得一次過上菜, 令食物凍左而錯失最佳味道。 【珍多冰】HK$48 椰汁味幾重, 甜度剛剛好 【炸蝦餅】HK$88 即叫即炸, 熱辣辣上檯, 炸得金黃香脆, 蝦餅很鮮甜, 而且帶點彈牙 【冬陰公】HK$108 冬陰公本身已經夠熱就立即上檯, 還跟一個小火爐慢慢興住, 慢慢食唔會灘凍。 味道酸酸辣辣, 愈食愈開胃, 入面更有四隻已脫殼既蝦同埋幾隻秀珍菇。隻蝦超級爽口... 【炒鮮蝦金邊粉】HK$118 本身自己唔太中意食金邊粉, 因為出面大多既金邊粉都被炒至一pat pat。但妹妹堅持要試一下, 所以都有order。 薄薄既蛋網住金邊粉, 除左表層, 入面都有較多既蛋絲, 金邊粉粉質軟硬程度剛剛好, 整體蛋味幾濃。 【蝦醬炒飯】HK$118 炒飯為濕炒, 唔會太乾身, 炒飯粒粒分明。炒飯中有臘腸粒、蔥粒, 陣陣既蝦醬味慢慢散發, 幾香口。 【沙爹串 (豬/牛/雞)半打】HK$88 沙爹串有豬/牛/雞三款肉選擇, 燒過後, 串燒都能keep住肉汁, 唔會太乾身, 個人最中意食牛同埋豬肉, 點上沙爹醬, 更加惹味。 【泰式炸香蕉】HK$78 平時放題就食得多, 但賣相、味道同呢度真係差好遠。 外脆內軟, 入面有大量既香蕉蓉同香蕉肉, 表面淋上少少既練奶, 隔離再有淡淡椰汁淋上, 反而中和左整粒炸香蕉既甜度, 食落冇想像中咁甜~ 【是日泰式甜品】HK$28 侍應話呢度既泰式甜品其實係雪糕球, 而且有兩球, 可以有多款味道選擇。我就揀左椰子味, 雪糕入口幾香滑。 呢度除左食物唔錯之外, 就連服務都係一流。無論侍應同經理都非常親切,食緊既時候有幾檯客人入座, 佢地都很熱情招待。呢度果然係一間用心經營的餐廳。 ———————————————— 餐廳名稱：Siam 28 Address: 銅鑼灣軒尼詩道525號澳門逸園中心28樓 Tel.: 3421 0472 營業時間： 星期一至四 12:00-15:00 18:00-23:00 星期五至六 12:00-15:00 18:00-01:00 星期日 全日休息 公眾假期 12:00-15:00 18:00-01:00 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
