做節都一定食乳豬, 有親戚介紹話灣仔有間中菜餐廳既乳豬好出名, 所以我就預早Book位, 一家人去食餐飯。 7點左右, 人流開始多, 先來一碟前菜, 呢度既前菜+茶芥, 每位HK$13 我地Order左燒乳豬同埋一個套餐。 【金牌即燒乳豬皇 (1/4隻)】HK$193 主打乳豬有例牌、1/4隻、半隻同埋一隻之分。今次我地就order左1/4隻。 乳豬皮好薄, 皮層脂肪已被去走, 而乳豬肉都被切食一件件, 方便食用 乳豬皮入口脆卜卜, 脆得咬開時有聲, 乳豬肉肉質嫩滑juicy, 很入味 另外更送上粉皮, 夾住乳豬一齊食, 減少油膩感, 整體味道一流! 套餐HK$228 【蒜蓉粉絲蒸元貝(4隻)】 元貝大大隻, 蒜蓉沒有覆蓋元貝既味道, 反而將本身既鮮甜味帶出, 就連元貝群邊都好爽, 粉絲索左個汁既精華, 好正! 【當紅脆皮燒雞(半隻)】 脆皮燒雞燒得色澤金黃, 皮脆, 最有驚喜既係就連雞胸肉都好嫩滑, 而且更保持肉汁, 點上瑞士汁, 味道更加昇華~ 最後, 餐廳更為每位客人送上糖水, 是日糖水為南瓜露, 熱熱的, 甜度岩岩好. 為整餐晚餐劃上完美句號。 果然呢度既乳豬係名不虛傳, 就連其他既菜式都平均的好, 絕對係抱著期待的前來, 帶著回味的走..... 有機會一定會再黎幫襯!! ———————————————— 餐廳名稱：兜記即燒乳豬專門店 Address: 灣仔杜老誌道6號群策大廈3樓 Tel.: 2836 3108 營業時間： 星期一至日: 11:00-23:30 設加一服務費 接受預先訂座: Yes ==================== Find me on Facebook/Openrice/UBlog: Keresawong.L.S ====================
