香港大部分鐵板燒價錢都會偏貴, 今日行經旺角通菜街發現左一間鐵板燒, 而且多本飲食雜誌都有介紹過, 一看Menu, 套餐價相對亦唔算太貴, 於是同朋友就決定入去食返餐dinner~ 因為我地walk-in關係, 鐵板位早已被其他人book滿了, 所以我地只好坐另一邊檯。 我地揀左個二人餐再加兩杯野飲: 野飲我就揀左 青蘋果果汁梳打, 是餐廳所調配, 甜度剛剛好, 有汽果汁配鐵板燒原來都幾夾 【鐵板大蝦套餐(二人前)】HK$608 廚師係隔離即叫即整, 雖然無緣可以全程望著, 但陣陣既鐵板燒香味跟沙沙聲傳來...呢度既抽煙系統做得不錯, 完全沒有油煙既焗促感。 檯面上有燒汁跟芝麻汁醬供客人點醬調調味 先來一個沙律前菜同埋湯醒醒胃 木魚絲蟹籽沙律 - 清新既配搭為晚餐開開胃 活蜆雜菇麵豉湯 - 味道清甜, 麵豉味幾出, 唔會過鹹~ 而且入面更有一隻解甜蜆肉同雜菇增添口感 雙色刺身 - 刺身沒有自選, 都是餐廳安排。刺身不過不失, 不過沒有雪味, 算是新鮮 香草三文魚扒、鐵板配菜 - 出奇地三文魚扒肉質嫩滑, 而且無骨, 煎後還keep到三文魚本身肉汁, 配上表面既香草, 食落更為香口。更有茄子片同翠肉瓜片伴碟, 雖然薄切, 但依然略帶點爽脆。 老虎大蝦 - 驚喜一浪接一浪, 虎蝦已被剝殼, 蝦頭跟原整蝦身伴著切粒蝦肉, 灑上蟹籽上檯。不得不讚去殼功夫很了得! 蝦身既殼看似完整無決。先食一口蝦粒, 味道超級鮮甜爽口, 配上粒粒蟹子, 令口感更加豐富, 正!! 美國安格斯肉眼扒 - 落order時, 侍應貼心地問我們想牛肉幾多成熟, 而我地就選擇左五成熟。的確廚師烹調掌握得不錯, 中層仍見些少血紅色, 沒有全熟。肉汁完全被鎖住在內, 夾集炸蒜蓉一起放入口, 香口之餘, 更食到肉汁豐富既牛肉。 牛肉炒烏冬 - 烏冬為幼身, 炒得很有穫氣, 當中更有肥牛片、榔菜絲、蟹籽, 整個炒烏冬沒有油膩。 日式炒時菜 - 芽菜、榔菜絲、蘿蔔絲, 炒起同樣帶有穫傑氣, 呢款味道偏向淡, 炒完還keep到椰菜的爽口感 最後更以甜品 - 雞蛋布丁 劃上句號 雞蛋味突出, 而且香滑, 少少甜... ———————————————— 餐廳名稱:上野鐵板燒專門店 Address: 旺角通菜街79號地下 Tel.: 2780 2818 營業時間: 星期一至日 12:00-15:00 18:00-00:00 設加一服務費 接受預先訂座: Yes ==================== Find me on Facebook Page▸ www.facebook.com/keresawong/ Instagram▸ https://www.instagram.com/keresawong.l.s Blog▸ https://keresawongls.blogspot.hk/ Blog▸ http://keresa.pixnet.net/blog U Blog▸https://blog.ulifestyle.com.hk/blogger/keresawong/ TheZtyle▸ http://keresawongls.theztyle.com Openrice▸ Keresawong.L.S ==================