胡社生行---比我發現一間放題晚市正價減40蚊, 仲要三小時任飲任食! 平日晚店內已經坐滿9成食客, 店內位與位比較窄, 坐二人檯, D野食黎快D都唔夠位放, 不過野食就真係黎得幾快, 侍應收碟都收得幾快手。 呢度既食物款式都幾多, 軍艦、手卷、卷物、火灸壽司、特色壽司、刺身、沙律、燒物、串燒、天婦羅、炸物、鐵板燒、鍋物。除左ORDER紙上既食物, 出面更設有熟食吧、甜品櫃、爆谷機、棉花糖機等等... 點擊圖片放大 野飲方面, 各式罐裝汽水、啤酒、紙包熱飲, 熱茶, 就連平時出面放題比較少有既梅酒、熱清酒都有自助任飲。 凍食既蝦很爽口, 蜆冇沙 先黎一盤刺身, 刺身很新鮮, 三文魚、吞拿魚、油甘魚都為厚切。 整盤刺身都沒有腥味, 以冰墊底, 保持凍既溫度KEEP新鮮可以慢慢食 至於花之戀、火灸三文魚壽司都以三文魚腩做主, 入口口感好滑 點擊圖片放大 天婦羅蝦 軟脆炸皮包住一隻幾爽既蝦, 沒有油膩感 咖哩蟹 比較失望, 咖哩好稀, 蟹肉沒有鮮甜, 肉質煤~ 海膽手卷 小小的, 即叫即包, 紫菜即食仲好脆, 海膽甘甜, 但有少少腥 鹽燒海蝦 殼沒有痴肉, 帶些少爽口 鐵板大蝦 驚喜地呢款蝦超級爽口鮮甜, 推介!! 芝麻雞翼 表面香脆可口, 內裡保持到鮮甜肉汁, 正!! 爆谷 大多都有焦糖, 當甜品食岩哂 甜品時間當然要親自整返支棉花糖, 有得玩,有得食 甜品櫃中更有多款凍既甜品選擇, 每款都各有特色, 值得一試! 特別係北海道牛乳布丁, 香滑口感, 牛奶味好出, 正!! 燕窩燉蛋 蛋味什濃, 同樣香滑 最後每人更可以選擇一杯Haagen-Dazs/MOVENPICK雪糕 整餐放題令我地食得好滿足, 值得一讚係ORDER既野完全冇漏單, 黎得都幾快, 三小時任飲任食, 其實時間充足有餘, 雖然座位比較迫, 但食物款式+冇漏單, 都搶返唔少分數... ———————————————— 餐廳名稱：御滿屋日本料理 Address: 旺角彌敦道655號胡社生行1樓 Tel.: 3622 3338, 3622 3336 營業時間： 星期一至四 12:00-15:00 17:30-00:30 星期五至六 12:00-15:00 17:30-01:00 星期日 12:00-15:00 17:30-00:30 設加一服務費 接受預先訂座: Yes ==================== Find me on Facebook Page▸ www.facebook.com/keresawong/ Instagram▸ https://www.instagram.com/keresawong.l.s Blog▸ https://keresawongls.blogspot.hk/ Blog▸ http://keresa.pixnet.net/blog U Blog▸https://blog.ulifestyle.com.hk/blogger/keresawong/ TheZtyle▸ http://keresawongls.theztyle.com Openrice▸ Keresawong.L.S ==================
