好耐之前去過長沙灣既Cafe Paradise, 對佢地既食物印象唔錯, 原來太子都有分店, 而且較近太子地鐵站, 於是今晚就同朋友前去一齊食dinner。 餐廳內面積好細, 座位唔多, 今日星期六晚飯時段, 全場爆滿。不過對比長沙灣分店, 呢度既食物款式比起長沙灣分店既為少。除左本身menu上既set dinner, 意粉/飯類都可以補差價轉為set dinner, set dinner跟是日例湯、沙律、餐飲同埋甜品。 set dinner 既是日例湯 (蜆肉忌廉湯)、沙律 沙律淋上欖檻油同埋醋, 酸酸地幾開胃 【芥末火腿香菇長通粉】HK$58 初初睇個名, 意為味道近似wasabi/辣辣地而又有攻鼻感, 所以好奇下叫黎試試。送上檯見到個長通粉好多汁, 超級creamy!! 個汁比較杰, 味道微酸, 再有好濃既忌廉味, 反而沒有預期中辣既攻鼻感。 長通粉質素偏硬身, 整碟長通粉都好飽肚。 【士多啤梨沙冰】套餐加HK$15 少少甜, 幼沙冰 套餐甜品 【辣辣芝麻雞翼@4隻】HK$45 炸過後外表香脆, 沒有油膩感, 內裡還KEEP到肉汁, 唔錯既一個小食 【黑松露薯條】HK$38 即炸薯條, 點上好香既黑松露醬, 價錢亦唔貴 整體黎講, 雖然呢間分店冇長沙灣咁多選擇, 但味道絕對唔會有差別, 而且價錢亦唔貴, SET DINNER份量都夠飽, 算係一間價錢合理既Cafe! ———————————————— 餐廳名稱：Cafe Paradise Address: 太子界限街23號地下C舖 Tel.: 3489 2212 營業時間： 星期一: 12:00-22:30 星期二: 全日休息 星期三至五: 12:00-22:30 星期六至日: 11:30-22:00 設加一服務費 接受預先訂座: Yes ==================== Find me on Facebook Page▸ www.facebook.com/keresawong/ Instagram▸ https://www.instagram.com/keresawong.l.s Blog▸ https://keresawongls.blogspot.hk/ Blog▸ http://keresa.pixnet.net/blog U Blog▸https://blog.ulifestyle.com.hk/blogger/keresawong/ TheZtyle▸ http://keresawongls.theztyle.com Openrice▸ Keresawong.L.S ==================
