朋友知我中意食海鮮, 介紹左我去呢間小漁港, 係太子地鐵站行去要10分鐘左右。 幸好預早BOOK定位, 今晚8:30去到, 店內已經坐滿9成食客, 雖然每圍都食緊蒸氣鍋, 但完全沒有煙霧焗促感覺, 空氣流通, 環境幾舒服。店內裝修滿有香港特色, 就連碗碟都別具香港傳統風味。 呢度主打係食蒸氣鍋海鮮, 可以散叫, 亦可以ORDER套餐, 套餐以人頭計, 套餐分為每位HK$268, HK$398, 亦有四人套餐價HK$888。 而我今次就先試下HK$268呢個套餐, 再加一碟象拔蚌刺身試試。 其實個人認為HK$268/位呢個價錢已經好抵, 有咁多款海鮮, 而且呢度又免加一,免茶芥,免前菜, 同一款酒樓/其他海鮮餐廳黎講, 呢度真係好優惠!! 一開始每檯先有兩碟前菜, 同時店員就行黎提議like佢地既facebook page, 就可以同我地玩個魚蝦蟹小遊戲。如果中左指定既圖案, 餐廳就會即時送出指定既海鮮比我地! 呢度亦設有自助混醬 (但發現食海鮮時其實只需少少豉油吊味,唔洗多加其他醬而cover左海鮮既鮮味!) 象拔蚌刺身 以冰墊底, 一片片的薄切上碟, 口感好爽, 估唔到呢度唔係sell日式刺身, 但味道都唔錯! 呢度亦設有罐裝汽水、支裝啤酒、鴻福堂既支裝飲品 好! 重點終於來了!!! 每層既海鮮都會一層層咁送上, 層層既海鮮都會整齊咁排好, 而且份量係以人頭計算 店員會協助我地調教最岩既火喉同時間, 當一夠鐘, 就會發出 bi bi 聲, 就代表可以食得喇!!! 第一層: 生蠔、馬刀貝、北寄貝、番薯貝 呢度既蜆都每款都大大隻, 而且很鮮甜爽口彈牙。至於生蠔, 因為我唔食, 但家人話比較腥。 第二層: 元貝、大連飽 元貝都超級大隻, 上面有少少蒜蓉、粉絲, 連埋帶子一齊食, 份外鮮甜惹味, 而且呢度既粉絲比較幼細, 所以食落口感唔會一pat糊咁 大連飽-大大隻, 很有咬口 第三層: 蒜蓉蒸花竹蝦 食到呢度我發現呢度既海鮮, size都係偏向大大隻 開蝦大蝦, 肉質肥美, 上面有大量既蒜蓉, 除左食到蝦既爽口感, 同時食到大量蒜蓉, 所以香口得黎又juicy, 唔錯! 第四層: 清蒸大羔蟹 本身預期一人只得半隻, 送上檯發現每人係一人一隻, 而且係爆多羔啊!!! 當店員上蓋前, 我仲留意到d蟹腳仲識郁ga!!! 超級新鮮!! D羔非常甘甜, 除左羔, 仲有d肉食, 真係食到實質既鮮甜蟹肉, 絕對唔係死蟹!! 第五層: 深海龍躉糯米飯 糯米飯既色水相比酒樓食到既為淡色, 但味道絕對唔差!! 飯質比較黏, 混合左臘腸粒, 臘腸粒完全唔硬, 龍躉肉質帶點滑, 不過就冇爽口感。反而我認為呢層既糯米飯先係主角!! 整體我幾中意呢度既海鮮, 價錢唔太貴, 每位一個價錢全包, 又可以食到多款海鮮, 而且食物質素幾好, 環境好同服務質素都一樣周到, 必定會介紹多d朋友再黎呢度encorn!! ---------------------------------------------------------- 餐廳名稱：小漁港海鮮舫 鮮蒸‧鮮味火鍋 Address: 太子荔枝角道127-133號地下 Tel.: 2868 9863 營業時間： 星期一至日 18:00-02:00 不設加一服務費 接受預先訂座: Yes ==================== Find me on Facebook Page▸ www.facebook.com/keresawong/ Instagram▸ https://www.instagram.com/keresawong.l.s Blog▸ https://keresawongls.blogspot.hk/ Blog▸ http://keresa.pixnet.net/blog U Blog▸https://blog.ulifestyle.com.hk/blogger/keresawong/ TheZtyle▸ http://keresawongls.theztyle.com Openrice▸ Keresawong.L.S ==================
