今日去九龍灣高銀金融國際中心見客, 得客戶公司邀請一齊到一樓既江南庭敘打邊爐。 店內裝修較為高尚, 設大部份卡位, 座位寬闊舒適。 呢間火鍋店出奇地竟然沒有前菜/醬油費, 只有加一服務費, 如果開設茶位 (要開茶/熱水), 店方先收每位茶芥HK$8, 否則一律免收。 醬油方面, 更提供多款醬油比我地自由混醬, 除左較為常見既蒜蓉、炸蒜蓉、辣椒粒、芝麻醬、被切為好幼細既香蔥、莞茜, 連XO醬都有提供, 連醬油都絕不馬虎, 令我多次向待應確認是否真的"不收醬油費"。 【招牌鴛鴦鍋】HK$118 我地揀左個鴛鴦湯底, 分別係秘製沙爹同埋香茜皮蛋湯底。兩款湯底各有特色, 味道香濃, 香茜皮蛋湯底香茜味十足, 而秘製沙爹散發出陣陣既花生醬味。就算打邊爐期間, 待應會加湯, 不會因加滾水而令湯底變淡。 【手切肥牛】HK$328 色澤新鮮鮮紅, 脂肪分佈平均, 牛味很重, 份量足夠3-4人 【四寶丸】HK$98 四寶丸集合四款手打丸, 包括蝦丸、墨魚丸、牛肉丸、鯪魚球。口感爽口彈牙, 而且鮮甜, 絕對值得一試! 【鮮蝦滑】HK$88 鮮蝦滑中有碎蝦粒, 面層更佈上瑤柱, 賣相更顯矜貴。熟後同樣爽口, 更為鮮甜 【炸千層腐皮】HK$68 平時打邊爐我都一定會揀響鈴, 不過見到menu上有呢款比較少見既炸千層腐皮, 所以今次就order一試。 炸千層腐皮同樣都係吸味食材, 外層口感似豆卜表面既皮, 內裡有一層層較滑既腐皮, 層次感豐富 【栗米】HK$58 粟米份量都幾多, 夠哂清甜 【珊湖蚌】HK$128 口感好爽口 食完火鍋之後, 更會送上生果。 雖然呢間火鍋店地點唔近地鐵, 交通亦唔算太方便, 但呢度既舒適環境、服務周到、食物質素, 種種因素都平均的好, 可能交通不便關係, 所以價錢上亦唔太昂貴, 有機會一定會黎encorn!! ———————————————— 餐廳名稱：江南庭敘 Address: 九龍灣啟祥道17號高銀金融國際中心1樓 Tel.: 3188 2667 營業時間： 星期一至六 08:00-16:15 18:00-22:30 星期日 11:00-16:15 18:00-22:30 公眾假期 11:00-16:15 18:00-22:30 設加一服務費 接受預先訂座: Yes ==================== Find me on Facebook Page▸ www.facebook.com/keresawong/ Instagram▸ https://www.instagram.com/keresawong.l.s Blog▸ https://keresawongls.blogspot.hk/ Blog▸ http://keresa.pixnet.net/blog U Blog▸https://blog.ulifestyle.com.hk/blogger/keresawong/ TheZtyle▸ http://keresawongls.theztyle.com Openrice▸ Keresawong.L.S ==================
