韓風吹左黎香港好幾年, 開左唔少既韓國炸雞餐廳, 不過味道真係間間唔同, 各有特色, 所以身邊朋友一知道邊度有新開既韓國餐廳, 一定會立即通知我。 今日我就同妹妹去左銅鑼灣利舞臺18/F新開既Dodam Chicken, 因為未到入夜時份, 所以店內都未有太多食客。 店內環境寬敞, 裝修較為時尚, 更設有卡位, 坐得幾舒服。 呢度既有炸雞食之外, 仲有烤雞選擇, 更有韓式Pizza、地道小食、特飲啤酒等等... 我地就揀左兩款menu上較為吸引既款式試試... 【韓式魚片湯】HK$168 (可另加HK$20 額外加烏冬) 上次去韓國都有飲魚片湯, 係香港食都係第一次。雖然價錢比起韓國貴, 但味道亦唔會比韓國差, 反而味道更濃, 岩返平時食開濃味既香港人口味。 呢款既精華當然係個湯底, 一試之下, 味道超鮮甜, 魚片好林, 煮左湯底, 夠哂入味, 另有東菇, 帶點彈牙既魚條, 食落更令我深深回味韓國味道。而且魚片份量都幾多, 足夠4個人食, 另加HK$20再有烏冬, 雖然冇咩特別, 但更為飽肚。 【白雪芝士雞】HK$198 送上前已經聞到陣陣既芝士味, 呢款雞係帶骨, 原隻雞切件, 白色既芝士落在雞件上, 呢款雞係以烤既形式令雞既外皮脆, 所以一D油膩感都冇, 肉質還帶少訐肉汁, 配上表面甜甜地既芝士粉, 食落唔太膩, 唔似拉絲既芝士咁食一兩件已經好快飽~ 【Mango ADE】HK$48/glass 有汽既芒果汁, 芒果味道好出 ———————————————— 餐廳名稱：Dodam Chicken Address: 銅鑼灣波斯富街99號利舞臺廣場18A號舖 Tel.: 2333 8365, 2333 8375 營業時間： 星期一至日: 11:30-23:30 設加一服務費 接受預先訂座: Yes ================== Find me on Facebook Page▸ www.facebook.com/keresawong/ Instagram▸ https://www.instagram.com/keresawong.l.s Blog▸ https://keresawongls.blogspot.hk/ Blog▸ http://keresa.pixnet.net/blog U Blog▸https://blog.ulifestyle.com.hk/blogger/keresawong/ TheZtyle▸ http://keresawongls.theztyle.com Openrice▸ Keresawong.L.S ==================
