漢堡包---值得我多次encron既一定係位於銅鑼灣既Burgeroom! 點擊圖片放大 其實好耐之前, 同朋友經過呢間burgeroom, 見到入面有唔少既外國客幫襯, 究竟點解外國人黎香港都要去呢間食burger? 跟住我就睇下menu, 的確呢度主打既burger, 除左傳統食到既牛肉外, 就連魚類、海鮮類、雞肉類、鴨肉類, 什至連素食既burger都有! 所以就算多次黎encorn, 每次都可以食到唔同既burger!! 而且之前食過呢度既burger都令我留下深刻印象, 所以今晚就帶媽咪黎呢度試試。 平日晚上既8點左右, 呢度已經全full!!! 不過排隊等位都算幾快, 5-10分鐘就可以入去。 除左主打既burger, 呢度仲有沙律、小食, 各款飲品等等提供~ 今晚我就揀左一直都好想試既 【雙鵝肝牛肉漢堡】HK$238 漢堡只有沙律菜伴碟, SIZE比傳統既漢堡包為大, 豐富既食材令漢堡賣相更加大。呢款漢堡食材包括新鮮生菜、蕃茄、厚厚既牛肉, 半溶芝士同埋主角既雙鵝肝。 鵝肝質感綿滑, 入口即溶, 鵝油獨特甘香, 超正! 牛肉依然keep到肉汁豐富, 再加上甜甜既蕃茄, 整個burger食落唔會好乾…漢堡包鬆軟, 內裡更塗上薄薄既牛油, 食落更加香。 【芝士旋風薯條】HK$50 超級香脆可口, 淋上比較杰而少少鹹, 又creamy既香滑芝士, 好邪惡。 【薯絲蝦】HK$50 口感好特別, 層次分明既薯絲卷住隻蝦, 帶些少脆口感, 不過蝦比較細隻, 其實入口食唔到有隻蝦。 【吉列火腿芝士餅】HK$48 幼粒吉列粉炸, 所以沒有明顯既脆口感, 只帶點微脆, 火腿比芝士為多, 芝士沒有流心, 但兩種微鹹既餡料, 味道都唔錯。 ———————————————— 餐廳名稱:Burgeroom Address: 銅鑼灣Fashion Walk食街百德新街50-56號地下D舖 Tel.: 2890 9130 營業時間: 星期一至日: 11:00-00:00 不設加一服務費 接受預先訂座: Yes ==================== Find me on Facebook Page▸ www.facebook.com/keresawong/ Instagram▸ https://www.instagram.com/keresawong.l.s Blog▸ https://keresawongls.blogspot.hk/ Blog▸ http://keresa.pixnet.net/blog U Blog▸https://blog.ulifestyle.com.hk/blogger/keresawong/ TheZtyle▸ http://keresawongls.theztyle.com Openrice▸ Keresawong.L.S ==================