早幾日去山頂坐纜車、睇光影展、去食Cafe同睇日落,真係好愉快又美滿嘅一日🥳🥳 睇完光影展就去PHI食Tea，我哋去到咁啱之前嗰台剛好離開，我地坐嘅位望到後面個觀景台（泡泡龍叫佢做西瓜，因為佢好似半個西瓜喎🍉😂）點擊圖片放大 🥐炒蛋牛角包 配牛油果醬 $72My favorite真係去到邊都要食雞蛋牛油果牛角包，炒蛋份量十足，牛油果醬加了檸檬汁，酸酸地又幾好味喎，令成個包更加清新 🍳🥓PHI all day breakfast $132友人覺得要叫All Day Breakfast先有儀式感，裏面有德國腸、煙肉、茄汁豆、啡菇、雞蛋、蕃茄仔，牛油果同煙三文魚係加分，分量好足，入面嘅pancake一啲都唔簡單奶蛋香味濃郁，友人話超好食，一定配埋糖漿食，因為個糖漿都好好味呀！ 🍓🥞棉花糖與疏乎厘的愛情故事 $122無錯，食甜品係有第二個胃㗎😉，兩個鍾意食甜嘢嘅人又點會放過！ 呢個棉花糖與疏乎厘的愛情故事仲要係季節限定，黎到個時簡直少女心即刻爆發😍，小朋友實鍾意。勁多棉花糖，士多啤梨又夠甜，忌廉同士多啤梨醬好足夠，仲有Louts碎同雲呢拿雪糕，配合充滿蛋香嘅疏乎厘，大滿足👍🏻 我哋都叫咗好適合打卡嘅特飲，賣相好吸引，個名又好sweet💗☕️纏綿咖啡面頭有棉花糖、葵瓜子、芝麻，咖啡入面飲到好似有杯芽同碎果仁，口感幾豐富 🥛黑芝麻鮮奶兔YOU黑芝麻同鮮奶好夾 Ig: phi.coffee_pancake📍山頂山頂道118號山頂廣場1樓106號舖
