[2-7°C, Wet snow or rain, cloudy w/ rain showers] ~ Day 12 ~ Whistler位處溫哥華以北的度假地區, 大概2小時車程, 曾於2010年冬季奧運會和2010年冬季殘奧會期間協辦部分賽事, 經常被雜誌選為北美最佳滑雪場地之一... Whistler Village位於Whistler同Blackcomb 2座雄偉山脈的中央... 乘坐Whistler’s PEAK 2 PEAK Gondola 360度盡覽Whistler全景, 山峰、湖泊、冰川和森林... 可以鳥瞰森林的玻璃底纜車就留返比大家, 唔好預我... 一邊欣賞滑雪高手從高聳的山峰俯衝下山一邊享用美食, 絕對是難忘的體驗... 不過... 今日乜都無我份... 最後1日!!! 咁就最後1日!!! 聽日就要搭飛機返香港, 點會咁快就十幾日o架啦~~~ 我唔想走呀!!! 好唔捨得溫哥華呀))) 臨走前要爭取時間, 去多幾個景點 -- 威士拿 (Whistler)、英屬哥倫比亞大學 (The University of British Columbia, 簡稱UBC), 伊利沙伯王后公園 (Queen Elizabeth Park, 簡稱QE Park)... 大家準備好未?!! 10:00AM 好, 出發!!! 離開酒店時開始落雨, 好凍, 尋日係Burnaby仲好鬼熱, 天氣變得真快... 撞正今日Vancouver Run, Skytrain車廂內擠滿Vancouver Runner... 我地怕會塞車, 所以改咗集合地點, 無係Vancouver City Centre Station出, 同Day 1一樣, 坐SkyTrain從Aberdeen Station坐10個站到Canada Line的總站Waterfront Station, 車程約25分鐘... 要經由豪宅區West Vancouver前往... 聽講... West Vancouver 同 Vancouver West 係2個唔完的地方o黎o架, 大家要小心唔好去錯呀!!! 一出發無耐就係Lions Bay見到彩虹, 超級興奮, 起勢影影影, 仲天真到諗住今日實有運行... 我認我係Too Simple, Sometimes Naive... 11:00AM 中途休息, 飲返杯麥當當熱辣辣朱古力暖下身先... 順便幫襯下個Toilet, 嘩嘩嘩, 幾鬼乾淨呀, 5星級到呢... 12:00NN 到達Whistler Village http://www.whistler.com/village/ 我衝、我衝、我衝衝!!! 點擊圖片放大 +2 咩話?!! 封山?!! 我係加拿大玩嘅最後1日專程坐咗2個鐘頭車入來, 你玩封山?!! 喂, 頭先條彩虹, 唔該你出來解釋下... D人又話見到彩虹會行好運嘅?!! 雖則Whistler Mountain封山, 但其實都仲可以上到Blackcomb Peak的, 鑑於威士拿山頂落大雪, 力仔唔建議我地上去, 上到去都係白朦朦咩都睇唔到, 咩相都影唔到, 勉強上去傷荷包之餘又浪費時間... 最後我地只能望山輕嘆... 一場來到, 點都要影返張「到此一遊」照... 係Whistler Village內四處逛逛... 點擊圖片放大 +2 必影Whistler Olympic Park's official 2010 Olympic Rings... 2010年冬季奧運會同冬季殘奧會就係Whistler舉行... Whistler Village四周圍D建築物都好靚, 連供幼兒玩耍的遊樂場都零舍靚過人... 其實封山又有乜好怕喎, 生命滿希望, 前路由我創... 力仔話帶我去Crepe Montagne食好好味的Eggs Benedict... Yeah~~~ What?!! Close 2個星期?!! 唔係呀嘛?!! 唔通連個天都唔鐘意我呀?!! ♫ 只有含淚的接受... 不休苦痛不休心碎似石頭... 何必迫我去承受... 沒法再挽留你帶走的所有... 風裡呆望著以後 ♫ ~~~ 蕩下蕩下, 力仔建議去La Brasserie Des Artistes食... 全店爆滿, 只有2個Servers, 等落單都等咗十幾分鐘... 捉到Server B都無用, 佢話我地張枱係Server A負責的, 一定要搵返佢落單...點擊圖片放大 +2 French Onion Soup CA$7.95 Eggs Benedict CA$12.95 -- 其實... 我唔多好呢味的... 味道還挺不錯... Harmony Burger CA$14.95 + Caesar Salad CA$4.5 -- 漢堡包用上安格斯牛肉同BC省羊煙肉, 好好味呀!!! 伴菜沙律有圖有真相, Fresh到無朋友... Margherita Pizza CA$14.95 Hot Chocolate CA$3.3 Urbanspoon的Link :- http://www.urbanspoon.com/r/85/1447463/restaurant/British-Columbia/La-Brasserie-Des-Artistes-Whistler 是次每人消費約 HK$ 120 元 (未計Tips) 味道： 3 環境： 3 服務： 3 衛生： 3 抵食：3 ### 地址 : 4232 Vlg Stroll Whistler, BC V0N1B4 電話 : (604) 932-3569 ~~~ 出發前同我一齊學Food Miniatures的同學仔都同我講過威士拿(Whistler)唔值得去... 景點不多... 今日得見, 所言非虛!!! 12:00點來到, 逗留短短2小時又走喇~~~ 來回要4小時車程嘅呢... 回Vancouver途中的下車拍照點... Tantalus Lookout (Elevation 320m) Sea-to-Sky Highway... 點擊圖片放大 +4 對面馬路有Museum of Mining... UBC & QE Park, We're Coming!!! 加國「喜行大溫」2014 の 總匯 http://www.kenmerry.com/2015/01/Vancouver-Canada.html
